نیویارک سٹی کونسل الیکشن :فاطمہ بار یاب کے900سے زائد ووٹ ، کامیاب نہ ہو سکیں

نیویارک ( رپورٹ: شازیہ محسن ) نیویارک میں منگل ، سات نومبر کو ہونیوالے الیکشن میں پاکستانی نژاد امریکن فاطمہ باریاب کامیاب تو نہ ہو سکیں لیکن انہوںنے نیویارک کی انتخابی سیاست میں دوسری بار پاکستانی و ساؤتھ ایشین کمیونٹی کی بھرپور نمائندگی اور کمیونٹی کے وجود کا بھی بھرپور احساس دلوایا۔

نیویارک کے علاقے جیکسن ہائٹس( کوینز ) کے سٹی کونسل ڈسٹرکٹ 25کے الیکشن میں موجودہ سٹی کونسل مین شیکر کرشنا5,561ووٹ لے کر دوسری بار کونسل مین منتخب ہونے میں کامیاب ہو گئے ۔ ان کے مقابلے میں فاطمہ بار یاب نے (آخری اطلاعات تک )901ووٹ حاصل کئے ۔وہ ڈائیورسٹی پارٹی کی جانب سے انتخابی دوڑ میں شامل تھی ۔

پاکستانی امریکن کمیونٹی کی ایک ینگ خاتون کی حیثیت سے فاطمہ بار یاب کو یہ کریڈٹ جاتا ہے کہ انہوں نے نہ صرف امریکی سیاست میں دلچسپی لی بلکہ انتخابی و عملی سیاست میں حصہ بھی لیا ۔ فاطمہ بار یاب کوینز ، نیویارک کے جس جیکسن ہائٹس علاقے سے دوسری بار انتخابی میدان میں آئیں، اس میں پاکستانی امریکن کمیونٹی دہائیوں سے آباد ہے ۔

تاہم کمیونٹی کے چند ایک ناموں میں فاطمہ بار یاب کا کا نام پاکستانی کمیونٹی کی عملی سیاست میں سرگرم رکن کے طور پر جاری رکھا جائیگا۔