پاکستانی کمیونٹی کا پولیس آفیسر مائیک سمتھ کی موت پر صدمہ ،خدمات کو خراج تحسین، سوگواران سے اظہار تعزیت

 

نیویارک (خصوصی رپورٹ) نیویارک میں پاکستانی کمیونٹی کے گڑھ کونی آئی لینڈ ایونیو ، بروکلین کے 70پریسنٹ کے پولیس آفیسر مائیک سمتھ نے پولیس ڈیپارٹمنٹ میں اپنی بیس سالہ سروس کا تقریبا ً آدھا حصہ کونی آئی لینڈ ایونیو پر واقع مکی مسجد کے سامنے جمعہ ، یوم پاکستان کے سلسلے میں منعقدہ بروکلین میلہ ، چاند رات سمیت دیگر مواقع پر کمیونٹی اجتماعات کے دوران اپنے فرائض منصبی ادا کرتے ہوئے گذارا ۔اگرچہ وہ پولیس اہلکار تھے لیکن کمیونٹی کے ساتھ مسلسل ڈیوٹی دیتے ہوئے کمیونٹی اور ان کے دوران نہایت ہی قریبی و دوستانہ مراسم استوار ہو گئے تھے ۔
منگل کے روز اس اطلاع پر مائیک سمتھ نے خود کو گولی مار کر خود کشی کر لی ، کمیونٹی سکتے میں آگئی اور جس نے بھی یہ خبر سنی ،اس نے یقین کرنے سے انکار کر دیا اور کہا کہ ایسے کیسے ممکن ہے ۔وہ سب کی مدد کرنے والا ایک فرض شناس پولیس آفیسر تھا، کمیونٹی اس کو اپنا حصہ سمجھتی تھی ۔
امریکی اخبار نیویارک پوسٹ کی رپورٹ میں کہا گیا ہے کہ مائیک سمتھ نے مبینہ طور پر اپنی گر ل فرینڈسے تعلقات خراب ہونے کے بعد دل برداشتہ ہو کر اپنی جان لے لی ۔ پاکستانی کمیونٹی نے سوگوار خاندان سے گہرے دکھ اور تعزیت کا اظہار کیا ہے

تاریخ اشاعت : 2017-03-10 00:00:00
مقبول ترین خبریں
امیگریشن خبریں
SiteLock