وساکھی میلہ:سکھ امریکن کمیونٹی قائدین کی شہریار علی کو سپورٹ کی یقین دہانی

یویارک (اردو نیوز) لانگ آئی ، نیویارک کی ناسا کاؤنٹی کے ڈسٹرکٹ تین سے پاکستانی و مسلم امریکن  امیدوار شہریار علی نے سکھ کمیونٹی کے زیر اہتمام سالانہ وساکھی میلے میں خصوصی شرکت کی ۔

اس میلے میں شہریار علی نے سکھ اور ساؤتھ ایشین کمیونٹی کے قائدین اور کمیونٹی ارکان سے ملاقاتیں کیں ۔ انہیں اپنے الیکشن اور انتخابی ترجیحات سے آگاہ کیا ۔

سکھ کمیونٹی کے اہم قائدین کی جانب سے شہریار علی کے الیکشن لڑنے کا فیصلہ کا خیر مقدم کیا گیا اور انہیں حمایت کی یقین دہانی کروائی گئی ۔ شہریار علی کا کہنا تھا کہ اگر وہ منتخب ہو گئے تو کاؤنٹی لیجس لیٹو باڈی میں سکھ سمیت تمام امیگرنٹ کمیونٹیز کے مؤثر آواز بنیں گے اور کمیونٹیز کے مسائل کے حل میں اپنا ہر ممکن کردار ادا کریں گے ۔

وساکھی میلے میں ناسا کاؤنٹی ایگزیکٹو بروس بلیک مین، سینئر ایڈوائزر چوہدری اکرم رحمانیہ ، چئیرمین ساسبا تنظیم سید محسن شاہ نقوی سمیت پاکستانی و ساؤتھ ایشین امریکن کمیونٹی کے اہم قائدین نے شرکت کی ۔ کمیونٹی قائدین کی جانب سے سکھ کمیونٹی کو وساکھی کی مبارکباد دی گئی ۔

تازہ ترین خبروں کے لئے اردو نیوز پڑھتے رہیں ۔