گلاب بانو کمیونٹی سنٹر میں محفل میلا د النبی ﷺ ، کمیونٹی سنٹر یا رسول اللہ ﷺ کے نعروں سے گونج اٹھا

 

ڈاکٹر عبدالواحد کے والدین مرحومین کی ارواح کے ایصال ثواب کے لئے گلاب بانو سنٹر میں منعقدہ محفل میں کمیونٹی کی اہم شخصیات اور ارکان کی بڑی تعداد میں شرکت

زینت القراءقاری سید صداقت علی کی خصوصی شرکت، اپنی مخصوص آواز اور انداز میں آیات قرانی کی تلاوت کرکے محفل میں سماںباندھ دیا ،نبی کریم ﷺکی بارگاہ میں گلہائے عقیدت بھی پیش کئے

صاحبزادہ پیر سید عرفان شاہ بخاری حافظ آبادی کا خصوصی خطاب ، مفتی عبدالرحمن قمر،سید میر حسین شاہ چشتی، ڈاکٹر علامہ شہباز چشتی ،پیر سید شفقت شاہ اور قاری محمد اعجاز کی شرکت

حافظ عبدالقدیر،علامہ محمد عثمان گیلانی ، صوفی مشتاق، خان فیاض خان،ناد علی، جاوید، مرزا منیر بیگ، ریاض گل، طلعت محمود نقیبی سمیت دیگر کی شرکت، مفتی عبدالرحمن قمر نے دعا کروائی

محفل می نبی کریم ، سرور کونین حضرت محمد مصطفی ﷺ کے میلاد پاک کے حوالے سے قران و سنت کی روشنی میں بیان کیا گیا ، پیر سید میر حسین شاہ نے ختم شریف پڑھا، بڑی تعداد میں کمیونٹی ارکان کی شرکت

نیویارک (خصوصی رپورٹ)گلاب بانو کمیونٹی سنٹر میں گذشتہ ہفتے سنٹر کے بانی ڈاکٹر عبدالواحد کے زیر اہتمام نبی کریم، سرور کونین ، آقائے دو جہاں حضرت محمد مصطفی ﷺ کی بار گاہ اقدس میں نذرانہ عقیدت اور گلہائے عقیدت پیش کرنے کےلئے محفل میلاد النبی ﷺ کا انعقاد کیا گیا جس میں امریکہ کے دورے پر آئے دنیائے اسلام کے ممتاز قاری ، زینت القراءقاری سید صداقت علی نے خصوصی شرکت کی اور اپنی مخصوص آواز اور انداز میں آیات قرانی کی تلاوت کرکے محفل میں سماںباندھ دیا ،نبی کریم ﷺکی بارگاہ میں گلہائے عقیدت بھی پیش کئے ۔اس موقع پر گلاب بانو کمیونٹی سنٹر مسلسل درود وسلام اور یا رسول اللہ ﷺ کے نعروں سے گونجتا رہا۔
ڈاکٹر عبدالواحد کے والدین مرحومین کی ارواح کے ایصال ثواب کے لئے گلاب بانو سنٹر میں منعقدہ اس محفل میلاد پاک سے سنٹر کے خطیب و امام صاحبزادہ پیر سید عرفان شاہ بخاری حافظ آبادی نے میلاد النبی ﷺ کے حوالے سے خصوصی خطاب کیا جبکہ محفل پاک میں ممتاز علماءکرام ، ثناءخوانان مصطفی اور کمیونٹی کی اہم شخصیات مفتی عبدالرحمن قمر،سید میر حسین شاہ چشتی، ڈاکٹر علامہ شہباز چشتی ،پیر سید شفقت شاہ اور قاری محمد اعجاز،حافظ عبدالقدیر،علامہ محمد عثمان گیلانی ، صوفی مشتاق، خان فیاض خان،ناد علی، جاوید، مرزا منیر بیگ، ریاض گل، طلعت محمود نقیبی سمیت دیگر نے شرکت کی ۔
محفل میں صاحبزادہ پیر سید عرفان شاہ بخاری حافظ آبادی نے نبی کریم ، سرور کونین حضرت محمد مصطفی ﷺ کے میلاد پاک کے حوالے سے قران و سنت کی روشنی میں خوبصورت بیان کیا ۔ انہو ں نے کہا کہ قرآن میں اللہ تعالی نے حضوراکرم ﷺ کے حسن و جمال کی بات کی ہے۔ اس حسن و جمال کی قسمیں کھائی ہیں۔ حضور ﷺکے توسط سے اللہ تعالی نے آپ کی آل ؑپاک کو بھی اعلیٰ و پاک قرار دیا ۔انہی پاک ذاتوں سے نسبت قائم کرنے والے آقا کریم ﷺ کی رضا حاصل کریگا اور جس سے آقا کریم ﷺ خوش ہو گئے ، اس سے اللہ تعالیٰ خوش ہو جائیں گے اور اس کی دنیا و آخرت سنور جائے گی ۔
گیا ۔
محفل میلاد میں صاحبزادہ پیر سید میر حسین شاہ چشتی نظامی نے ختم شریف پڑھاجبکہ مفتی عبدالرحمن قمر نے خصوصی دعا کروائی ۔آخر میں ڈاکٹر عبدالواحد کی جانب سے شرکاءکے اعزاز میں عشائیہ دیا گیا اور ان کا شکرئیہ ادا کیا گیا ۔

تاریخ اشاعت : 2017-11-01 00:00:00
مقبول ترین خبریں
امیگریشن خبریں
SiteLock