امریکن پاکستانی پبلک افئیرز کمیٹی کی ایڈوائزری بورڈ کا پہلا اجلاس، امریکی قومی سیاست میں اجتماعی کردار کا فیصلہ

 
(APPAC)کی ایڈوائزری کمیٹی کا پہلا اجلاس منگل کو یہاںمنعقد ہوا جسمیں کمیونٹی کی مختلف شعبہ ہائے زندگی سے تعلق رکھنے والی تنظیموں کے سرکردہ قائدین شریک ہوئے


ساٹھ افراد نے ممبر شپ حاصل کر لی ہے یا اپنی رضا مند کا اظہار کر دیا ہے ۔ کمیٹی کے تمام ممبر 25ڈالرز سالانہ فیس ادا کریں گے اور کمیٹی کی سرگرمیوں میں حصہ لیا کریں گے اور اپنا ہر ممکن کردار ادا کریں گے


امریکن پاکستانی پبلک افئیرز کمیٹی کے زیر اہتمام ڈاکٹر اعجاز احمد کی رہائشگاہ پر سات مئی کو کیلی فورنیا سٹیٹ سے لیفٹنٹ گورنر کا الیکشن لڑنے والے پاکستانی ڈاکٹر آصف محمود کےلئے فنڈ ریزنگ کی جائے گی

نیویارک (خصوصی رپورٹ) پاکستانی امریکن کمیونٹی کی امریکی سیاسی نظام اور کمیونٹی کے امریکہ نظام کے قومی دھارے میں موثر و فعال کردار کویقینی بنانے کے سلسلے میں قائم امریکن پاکستانی پبلک افئیرز کمیٹی(APPAC)کی ایڈوائزری کمیٹی کا پہلا اجلاس منگل کو یہاں منعقد ہوا ۔

 

ڈاکٹر اعجاز احمد اور ان کے ساتھیوں کے زیر اہتمام منعقدہ اس اجلاس میں کمیونٹی کی مختلف شعبہ ہائے زندگی سے تعلق رکھنے والی تنظیموں کے سرکردہ قائدین شریک ہوئے ۔


اجلاس میں تفصیلی بات چیت کے بعد اس بات پر اتفاق کیا گیا کہ کمیونٹی سے متعلقہ امریکہ میں کمیونٹی سے متعلقہ اہم سیاسی و سماجی امور پر پاکستانی امریکن کمیونٹی اپنا اجتماعی کردار ادا کرے گی ۔ اس سلسلے میں جو بھی کوششیں کی جائیں گی ، وہ سب ایک پلیٹ فارم پر جمع ہو کر کی جائیں گی ۔
امریکن پاکستانی پبلک افئیرز کمیٹی میں کمیونٹی کے مختلف شعبہ ہائے زندگی سے تعلق رکھنے والے ساٹھ افراد نے ممبر شپ حاصل کر لی ہے یا اپنی رضا مند کا اظہار کر دیا ہے ۔ کمیٹی کے تمام ممبر 25ڈالرز سالانہ فیس ادا کریں گے اور کمیٹی کی سرگرمیوں میں حصہ لیا کریں گے اور اپنا ہر ممکن کردار ادا کریں گے ۔


امریکن پاکستانی پبلک افئیرز کمیٹی کے زیر اہتمام ڈاکٹر اعجاز احمد کی رہائشگاہ پر سات مئی کو کیلی فورنیا سٹیٹ سے لیفٹنٹ گورنر کا الیکشن لڑنے والے پاکستانی نژاد امریکی ڈاکٹر آصف محمود کےلئے فنڈ ریزنگ کی جائے گی ۔ امریکن پاکستانی پبلک افئیرز کمیٹی کی جانب سے کمیونٹی کو اپیل کی گئی ہے کہ وہ ڈاکٹر آصف کی ہر ممکن سپورٹ کریں ۔


امریکن پاکستانی پبلک افئیرز کمیٹی کے ڈاکٹر اعجاز احمد نے بتایا کہ اس سال APPAC, PakPAC, Muslim PACملکر 8جون کو واشنگٹن ڈی سی میں افطار ڈنرکا اہتمام کریں گی جس میں اہم شخصیات کو مدعو کیا جائیگا۔۔

تاریخ اشاعت : 2017-05-04 00:00:00
مقبول ترین خبریں
امیگریشن خبریں
SiteLock