صدر اوبامہ کے ایک دستخط اور مشی گن کے نائیجرین امیگرنٹ کو گرین کارڈ مل گیا

نیویارک؛ امریکی ریاست مشی گن میں فیس ٹیومر کے ایک مریض کو صدر اوبامہ کے ایک دستخط کی وجہ سے براہ راست گرین کارڈ مل گیا باوجود اس امر کہ وہ وہ شخص امریکہ میں غیر قانونی طور پر مقیم تھا

وکٹر چک ووکی نامی یہ نائیجیرئن امیگرنٹس فیس ٹیومر کا مریض تھا اور اس نے امریکہ میں قیام کے دوران مقامی یونیورسٹی سے تعلیم مکمل کی اور اپنی پڑھائی جاری رکھنا چاہتا تھا۔ اس سلسلے میں امریکی کانگریس میں ایک پرائیویٹ بل پیش کیا گیا جو کہ منظور ہونے کے بعد صدر کو دستخط کے لئے بھیجا گیا ۔ اس بل پر صدر اوبامہ نے فوری دستخط کر دئیے جس کے تحت بل قانونی شکل اختیار کر گیا اور اس ایک مخصوص قانون کی وجہ سے ایک مخصوص غیر قانونی تارک وطن کو گرین کارڈ مل گیا

امریکہ میں بارہ ملین سے زائد تارکین وطن اور بالخصوص امیگرنٹ کمیونٹیز کی نظرین اس وقت صدر اوبامہ پر ہیں کہ وہ ملک میں جامع امیگریشن اصلاحات کے سلسلے میں اپنے وعدے کو کب عملی شکل دیتے ہیں

ذرائع کا کہنا ہے کہ بیک ڈور پر دونوں بڑی جماعتیں ملک میں جامع امیگریشن اصلاحات کے سلسلے میں صلاح و مشورے کررہی ہیں اور فروری یا مارچ میں اس سلسلے میں اہم پیش رفت کا امکان ہے

تاریخ اشاعت : 2012-12-30 00:00:00
مقبول ترین خبریں
امیگریشن خبریں
SiteLock