پاناما کیس پر سپریم کورٹ کے فیصلہ کا خیر مقدم ، برونکس نواز شریف زندہ آباد کے نعروں سے گونج اٹھا

 

نیویارک (خصوصی رپورٹ) پاکستان مسلم لیگ (ن) یو ایس اے کے چئیرمین پبلک ریلیشن یاسین بھٹی اور پاکستان مسلم لیگ (ن) نیویارک سٹیٹ کے سینئر نائب صدر راجہ ساجد کے زیر اہتمام برونکس (نیویارک) میں پاناما کیس کا اکثریتی فیصلہ وزیر اعظم میاں نواز شریف کے حق میں آنے پر یہاں جشن انصاف منایا گیا جس میں صرف لیگی ساتھیوں نے ہی نہیں بلکہ پاکستانی کمیونٹی کی مختلف شعبہ ہائے زندگی سے تعلق رکھنے والے مقامی ارکان نے بھی بڑی تعداد میں شرکت کی ۔

 

تلاوت قران مجید کی سعادت راجہ ساجد نے حاصل کی جبکہ نظامت کے فرائض یاسین بھٹی نے ادا کئے ۔ جشن فتح کے شرکاءنے کہا کہ پاناما کیس میں پاکستان کی اعلیٰ ترین عدالت میں وزیر اعظم میاں نواز شریف اور ان کی فیملی سرخروہوئی ہے ۔تقریب سے خطاب کرتے ہوئے راجہ ساجد نے کہا کہ سپریم کورٹ نے پاناما کیس میں بڑا فیصلہ کیا ہے ،اپوزیشن والے اس فیصلے کو بڑے دل سے قبول کریں۔ انہوں نے کہا کہ فیصلے سے پہلے میاں نواز شریف اور مسلم لیگ نے کہا تھا کہ فیصلہ جو بھی آئیگا، وہ اسے قبول کریں گے ۔

 

لیگی قائدین اپنی بات پر قائم رہے ۔ یاسین بھٹی نے کہا کہ عمران خان کرپشن نہیں بلکہ میاں نواز شریف اور ملک و قوم کی ترقی کے خلاف ہیں ۔ یو ٹرن خان کو ماضی کی طرح اس کیس میں بھی بدترین شکست ہوئی ہے ۔وہ شکست قبول کرنے کی بجائے اب عوام کو گمراہ کررہے ہیں ۔ان کی اس گمراہ کن سیاست کو ہمیشہ کی طرح عوام اس بار بھی مسترد کریں گے

 

تقریب میں یاسین بھٹی نے شرکاءکو مٹھائی بھی پیش کی۔ اس موقع پر شرکاءنے پاکستان ، پاکستان مسلم لیگ (ن) اور وزیر اعظم میاں نواز شریف کے حق میں زبردست نعرہ بازی کی ۔

 

تاریخ اشاعت : 2016-04-27 00:00:00
مقبول ترین خبریں
امیگریشن خبریں
SiteLock