بیگم شکیلہ اور خالد لقمان کی کانگریس مین ڈونلڈ نارکوس اور سٹیٹ سینیٹر جیمز بیچ سے ملاقات، دوطرفہ امور پر بات چیت

 

نیوجرسی (خصوصی رپورٹ) پاکستان کی رکن قومی اسمبلی بیگم شکیلہ لقمان نیوجرسی سٹیٹ سے ڈیموکریٹک پارٹی کے کانگریس ڈونلڈ نارکوس اور سٹیٹ سینیٹر جیمز بیچ سے ملاقات کی جس میں پاک امریکہ تعلقات ، امریکہ میں کمیونٹی سے متعلقہ اہم امور سمیت دیگر اہم امور کے بارے میں بات چیت کی ۔

 

اس موقع پرپاکستانی امریکن کانگریس کے قائدین ڈاکٹر خالد لقمان اورپاکستانی امریکن کانگریس کے سیکرٹری جنرل عقیل خان جنہوں نے ا س ملاقات کے اہتمام میں کردار ادا کیا تھا،بھی موجود ہیں۔ پاکستانی رکن قومی اسمبلی کی امریکی منتخب ارکان سے ملاقات میں پاک امریکہ تعلقات ، دوطرفہ امور اور امریکہ میں بسنے والی پاکستانی امریکن کمیونٹی کے معاملات پر بات چیت کی گئی ۔

 

بیگم شکیلہ لقمان نے کہا کہ پاکستان اور امریکہ میں دیرینہ تعلقات ہیں ، ان تعلقات کو فروغ دینے میں ہر ایک کو اپنا کردار ادا کرنا چاہئیے ۔انہوں نے کہا کہ دونوں ممالک کے عوام کے قریبی تعلقات کو فروغ دے کر دونوں ممالک کے تعلقات کو مزید موثر اور فعال بنایا جا سکتا ہے ۔ کانگریس مین ڈونلڈ نارکوس اور سٹیٹ سینیٹر جیمز بیچ نے بیگم شکیلہ لقمان سے ملاقات کو مفید قرار دیا اور کہا کہ پاکستان امریکہ کے منتخب ارکان کو باہمی روابط کوقائم رکھنا چاہئیے ۔

 

پاکستانی امریکن کانگریس کے سیکرٹری جنرل عقیل خان نے کہا کہ پاکستانی امریکن کانگریس کمیونٹی کی ایک نمائندہ تنظیم ہے اور کمیونٹی کے لئے اپنا ہر ممکن کردار ادا کرتی رہے گی ۔

تاریخ اشاعت : 2016-01-11 00:00:00
مقبول ترین خبریں
امیگریشن خبریں
SiteLock