امریکا میں ایک صدی بعد سورج گرہن

پیر 21 اگست کو امریکا سمیت دنیا کے کئی ممالک کے ٹی وی چینلز نے ریاست ہائے متحدہ امریکا میں ایک سؤ سال بعد ہونے والے سورج گرہن کو براہ راست دکھایا۔ امریکا میں صدی گزرنے کے بعد ہونے والا سورج گرہن وہاں کے مقامی وقت کے مطابق دو پہرایک بجے شروع ہوا، جو تقریبا ڈھائی منٹ تک جاری رہا، اورامریکا کی جنوب مشرقی ریاست کینٹکی کا آسمان مکمل طور پر تاریک ہوگیا۔

 

سورج کے گرہن ہونے کے لمحات کو امریکا کے تقریبا تمام ٹیلی وژن چینلز نے براہ راست دکھایا، جب کہ امریکا بھر میں اس حوالے سے خصوصی تیاریاں کی گئی تھیں۔ سورج گرہن جنوب مشرق سے شروع ہوا، اور جنوبی کیرولینا کے ساحل پر ختم ہوا۔ سورج گرہن کے مناظر کو دیکھنے کے لیے تمام امریکی لوگ، چھوٹے، بڑے، بچے اور عمر رسیدہ افراد پرجوش تھے، جب کہ تمام افراد نے سورج گرہن کے مناظر کو اپنے موبائل کے کیمروں میں قید کیا۔

تاریخ اشاعت : 2017-08-21 00:00:00
مقبول ترین خبریں
امیگریشن خبریں
SiteLock