راجہ ساجد بروکلین میلہ کے چئیرمین ہونگے ، مرچنٹس ایسوسی ایشن نے میلہ کمیٹی کے اہم عہدیداروں کا اعلان کردیا

 

نیویارک (خصوصی رپورٹ) پاکستانی امریکن مرچنٹس ایسوسی ایشن کی جانب سے جشن آزادی پاکستان کے سلسلے میں 20اگست کو ہونیوالے بروکلین میلہ کے چئیرمین کے عہدے کے لئے کمیونٹی کی ممتاز سماجی ،کاروباری شخصیت راجہ ساجد کے نام کا اعلان کر دیا ہے ۔

 

یہ اعلان مرچنٹس ایسوسی ایشن کے چئیرمین جاوید خان اور جنرل سیکرٹری عزیز بٹ کی جانب سے کیا گیا ۔ انہوں نے کہا کہ راجہ ساجد کمیونٹی کے ان ساتھیوں میں سے ہیں کہ جنہوں نے جشن آزادی پاکستان کے سلسلے میں بروکلین میں میلے کے انعقاد میں ہمیشہ بڑھ چڑھ کر خدمات انجام دیں ۔ہمیں یقین ہے کہ بطور چئیرمین وہ میلے کو تاریخی اور کامیاب بنانے میں اپنا ہر ممکن کردار ادا کریں گے

 


واضح کریں کہ بروکلین میلہ کمیٹی کے دیگر اہم عہدوں کا اعلان گذشتہ ہفتے پہلے ہی کیا جا چکا ہے جس کے مطابق بروکلین میلہ کمیٹی کے پریذیڈنٹ رانا سعید ،جنرل سیکرٹری چوہدری ندیم بوبی گجر، سینئر وائس چئیرمین چوہدری اسلم ڈھلوں اور وائس پریذیڈنٹ احمد رضوی ہونگے ۔


راجہ ساجد ، رانا سعید، اسلم ڈھلوں ، چوہدری بوبی گجر، احمد رضوی نے کہا ہے کہ مرچنٹس ایسوسی ایشن کی جانب سے ان پر جس اعتماد کا اظہار کیا گیا ہے ، وہ اس پر پورا اتریں گے ۔ انہوں نے کمیونٹی سے اپیل کی کہ وہ 20اگست بروز اتوار کو ہونیوالے بروکلین میلے کو کامیاب بنانے میں میلہ کمیٹی سے ہر ممکن تعاون کریں اور یوم آزادی پاکستان جوش و خروش سے منائیں ۔

 

تاریخ اشاعت : 2017-05-18 00:00:00
مقبول ترین خبریں
امیگریشن خبریں
SiteLock