عمران خان کے وزیر اعظم اور نیا پاکستان بننے کا وقت آگیا ہے

 

تحریک انصاف نیویارک (ٹائیگرز پینل) کے صدارتی امیدوار پرویز ریاض ، جنرل سیکرٹری مرزا خاور بیگ اور چیف سپورٹر ضمیر احمد چوہدری کا مشترکہ بیان

نیویارک (پ ر ) پاکستان تحریک انصاف نیویارک (ٹائیگرز پینل) کے صدارتی امیدوار پرویز ریاض ، جنرل سیکرٹری مرزا خاور بیگ اور چیف سپورٹر ضمیر احمد چوہدری نے کہا ہے کہ جے آئی ٹی رپورٹ نے پاکستان میں انصاف کا بول بالا کیا ہے جس پر تحریک انصاف نیویارک کے تمام ساتھی اور اوورسیز کمیونٹی چئیرمین عمران خان سمیت پاکستانی عوام کو دل کی گہرائیوں سے مبارکباد پیش کرتے ہیں ۔

 

اپنے مشترکہ بیان میں انہوں نے مزید کہا کہ جے آئی ٹی رپورٹ کے بعد اب وزیر اعظم کی اقتدار سے رخصتی کا وقت آگیا ہے جبکہ وہ وقت دور نہیں کہ جب عمران خان وزیر اعظم پاکستان ہونگے اور تحریک انصاف کے دور میں نئے پاکستان کا آغاز ہوگا۔


پرویز ریاض ، خاور بیگ اور ضمیر بیگ نے پارٹی ساتھیوں کے ساتھ ملکر جے آئی ٹی رپورٹ میں عمران خان کا موقف حق و سچ ثابت ہونے کی خوشی منائی اور دوست احباب اور کمیونٹی ارکان کا منہ میٹھا کروایا گیا۔

 

انہوں نے کہا کہ اوورسیز کمیونٹی آئندہ الیکشن میں کلین سویپ مینڈیٹ دے کر عمران خان کے نئے پاکستان کے مشن میں شامل ہوں۔ ہم انہیں تحریک انصاف میں شمولیت کی دعوت عام دیتے ہیں ۔

تاریخ اشاعت : 2017-07-12 00:00:00
مقبول ترین خبریں
امیگریشن خبریں

SiteLock