پاکستانی امریکن ڈاکٹرز کی تنظیم ”اپنا “نیویارک چیپٹر کے زیر اہتمام ؛لانگ آئی لینڈ میں ”اپنا فری کلینک “ شروع


نیویارک(خصوصی رپورٹ)پاکستانی امریکن ڈاکٹرز کی نمائندہ تنظیم ایسوسی ایشن آف پاکستانی فزیشنز آف نارتھ امریکہ (APPNA )کے نیو یارک چیپٹر کے زیر اہتمام لانگ آئیلینڈ میںفری کلینک کا قیام عمل میں آ گیا ہے۔ گزشتہ ہفتے فری کلینک کی افتتاحی تقریب منعقد ہوئی۔ ہیمسٹیڈ ویلج(لانگ آئیلینڈ) کے میئر وائن ہال نے اپنا نیو یارک کے صدر ڈاکٹر پرویز اقبال اور ایلسلواڈورکے قونصل جنرل موریسو و یسکوز اور دیگر کے ہمراہ فری کلینک کا افتتاح کیا۔


اس موقع پر خصوصی تقریب ہوئی جس میں ڈاکٹر پرویز اقبال اور سیکرٹری ڈاکٹر تمکین سید فری کلینک کے قیام میں بھر پور تعاون پر ہیمسٹیڈ ویلج کے میئر وائن ہال‘ چرچ کے پاسٹر ایڈن رافیو(Adan Rafio ) ناسا کاﺅنٹی ہیومن رائٹس کمشن کے چیئرمین زاہد سید‘ کنول چیت چاندنی‘ شاہد سید اور طاہر حسین کا بطور خاص شکریہ ادا کیا۔بقیہ نمبر2صفحہ10پر
 یہاں یہ امر قابل ذکر ہے کہ لانگ آئیلینڈ میں قائم ہونے والے اس اولین فری کلینک کے قیام میں اپنا نیو یارک کے ساتھ MIR کے شاہد سید اور طاہر حسین نے بھر پور کردار ادا کیا جبکہ چرچ میں فری کلینک کے حصول کیلئے زاہد سید اور کنول چیت چاندی نے ھمپٹڈ ویلج کے میئر وائن ہال کے ذریعے بھر پور کام کیا۔افتتاحی تقریب کے موقع پر منعقدہ مختصر تقریب میں ہیومن رائٹس کمشن کے چیئرمین زاہد سید نے مذکورہ شرکاءسے تعارف کرایا اور باری باری میئر‘ پاسٹر رافیو‘ ڈاکٹر پرویز اقبال اور ڈاکٹر تمکین احمد کو خطاب کی دعوت دی۔
 میئر وائن ہال نے فری کلینک کے قیام پر اپنا نیو یارک کے جذبے کو سراہا اور کہا کہ ڈاکٹرز ہر قوم کے لئے مسیحا کی حیثیت رکھتے ہیں اس کلینک کے ذریعے ھمپٹڈ ویلج کی کمیونٹی کو علاج معالجہ کی سہولتیں فراہم ہونگی جو انتہائی حوصلہ افزا بات ہے۔ میئر ہال نے کہا کہ ان کا آفس اپنا نیو یارک کے ساتھ ہر ممکن تعاون کرنے کا کہا اور جب بھی ضرورت ہو گی وہ حاظر ہیں انہوں نے تمام افراد کی آمد کا شکریہ ادا کیا۔پاسٹر ایڈن رافیو نے ترجمان کی مدد سے اپنے خیالات کا اظہار کیا۔ انہوں نے اپنا نیو یارک کا شکریہ ادا کرتے ہوئے کہا کہ بائبل میں اللہ تعالیٰ کہتا ہے کہ ایسے لوگوں پر رحم کرے گا جو دوسروں کی مدد کرتے ہیں ڈاکٹر پرویز اقبال نے کہا ہم معاشرے کا حصہ ہیں۔ ایسے تمام افراد کو اس فری کلینک سے طبی سہولتیں فراہم کی جائیں گی جو ہیلتھ کیئر سے محروم ہیں۔ انہوں نے اپنا کلینک کے قیام میں تعاون پر میئر ہال اور پاسٹر رافیو کا تہہ دل سے شکریہ ادا کیا اور کہا کہ ہم زاہد سید۔شاہد سید اور طاہر حسین کے ممنون ہیں جنہوں نے اپنا فری کلینک کے قیام اور اس کیلئے چرچ میں سہولت مہیا کرنے میں ہمارے ساتھ تعاون کیا۔ انہوں نے کہا کہ الگ نسل قومیت زبان اور مذہب سے قطع نظر لوگوں کی خدمت کی جائے گی اس کے ساتھ ہی ساتھ سٹیٹس نہ ہونے کی صورت میں بھی ہم انہیں میڈیکل کی سہولتیں فراہم کریں گے ۔ انہوں نے کہا کہ لوگوں کو ادویات کی فراہمی کے علاوہ ضرورت کرنے پر انہیں دیگر ڈاکٹرز کو بھی ریفر کریں گے۔ اس فری کلینک کا دائرہ کار مستقبل میں وسیم کیا جائے گا۔ ڈاکٹر پرویز اقبال نے مزید بتایا کہ ہر ہفتے ایک ڈاکٹر صبح10 بجے سے سہ پہر 3 بجے تک مریضوں کا علاج کریں گے۔ ممکن ہے ایک ڈاکٹر سال میں 2 بار یا ہر ہفتے کوئی نہ کوئی ڈاکٹر یہ خدمات انجام دیں۔ انہوں نے کہا کہ نیو یارک سٹی میں اپنا کے 1500 سے زائد ممبرز ہیں۔ انہوں نے کہا کہ کلینک میں علاج معالجہ کی سہولت7 فروری سے مہیا کی جائے گی۔ ہم سب کا خیر مقدم کریں گے۔ انہوں نے بتایا کہ چرچ نے اپنی جگہ مکمل طور پر مفت مہیا کی ہے۔ فزیشنز ہمارے بچے اور یونیورسٹی کے طالبعلم وانیئرز خدمات فراہم کریں گے۔ ایک سوال کے جواب میں انہوں نے بتایا کہ فری کلینک اپنا نیو یارک کا پراجیکٹ ہے اپنا سینٹرل کا اس سے قطعی کوئی تعلق نہیں ہے۔ ڈاکٹر تمکین نے افتتاحی کلمات میں میئر ہال۔ چرچ اور دیگر کا شکریہ ادا کیا۔ انہوں نے زاہد سید اور کنول جیت چاندی کو سراہا جنہوں نے کلینک کے لئے جگہ کی تلاش میں اہم کردار ادا کیا۔
 تقریب سے اسلواڈور کے قونصل جنرل اور کنول جیت چاندی نے بھی خطاب کیا۔ اس تقریب میں شرکت کرنے والوں میں دیگر کے علاوہ ڈاکٹر اقبال جگڑہ۔ ڈاکٹر محمد اعجاز، ڈاکٹر ڈوگر، ڈاکٹر سلمان ظفر، ڈاکٹر رضوان قریشی، ڈاکٹر رعنا سلیمان، ڈاکٹر صباحت محمود، فضل حق، سلمان ظفر وغیرہ شامل تھے۔

۔

تاریخ اشاعت : 2014-12-31 00:00:00
مقبول ترین خبریں
امیگریشن خبریں
SiteLock