امجد نواز کا دورہ پاکستان ، عمران خان، شیخ رشید، جہانگیر ترین اور اسد عمر سے ملاقاتیں 

 

تحریک انصاف (ایگل پینل ) نیویارک کے رہنما امجد نواز نے شیخ رشید ،جہانگیر ترین،اسد عمر، نعیم الحق ،فواد چوہدری سے بھی اہم ملاقاتیں کیں، عمران خان سے دوسری ملاقات بنی گالا میں ہوئی


عمران خان سمیت پارٹی قائدین کو نیویارک(امریکہ) میں پارٹی ساتھیوں اور پارٹی کی کارکردگی سے آگاہ کیا اور پارٹی کے آئندہ لائحہ عمل کے حوالے سے اہم ہدایات بھی لیں


 انشاءاللہ وہ وقت دور نہیں کہ جب نیا پاکستان بنے گا جس میںانصاف کا راج ہوگا اور حقیقی و جمہوری نظام عوام امنگوں کا ترجمان ہوگا، اوورسیز پاکستانی نئے پاکستان کی تیاری کر لیں ، عمران خان

اسلام آباد (خصوص رپورٹ) پاکستان تحریک انصاف نیویارک (ایگل پینل ) کے رہنما امجد نواز کی دورہ پاکستان کے دوران بھرپور مصروفیات رہی ہیں ۔ انہوں نے اسلام آباد میں پارٹی چئیرمین عمران خان سے دو بار ملاقاتیں کیں۔عمران خان کے علاوہ انہوں نے پارٹی کے دیگر قائدین جہانگیر ترین ،اسد عمر، نعیم الحق، شیخ رشید اور فواد چوہدری سے بھی ملاقاتیں کیں ۔ ان ملاقاتوں میں انہوں نے عمران خان سمیت پارٹی قائدین کو نیویارک میں بالخصوص اور امریکہ بھر میں بالعموم تحریک انصا ف کے ساتھیوں کی کارکردگی سے آگاہ کیا اور پارٹی کے آئندہ لائحہ عمل کے حوالے سے ان سے اہم ہدایات لیں ۔ عمران خان نے امجد نواز اور ان کے ساتھیوں کی کارکردگی کو شاندار الفاظ میں سراہتے ہوئے کہا کہ وہ نیویارک سمیت دنیا بھر میں بسنے والے ساتھیوں کی خدمات اور کارکردگی سے آگاہ رہتے ہیں اور ان ساتھیوں کی خدمات کو سلام پیش کرتے ہیں ۔


انہوں نے کہا کہ انشاءاللہ وہ وقت دور نہیں کہ جب نیا پاکستان بنے گا جس میںانصاف کا راج ہوگا اور حقیقی و جمہوری نظام عوام امنگوں کا ترجمان ہوگا۔
امجد نواز نے چئیرمین عمران کو امریکہ میں پارٹی کو مزید موثر اور فعال اور منظم بنانے کے سلسلے میں تجاویز بھی پیش کیں ۔امجد نواز نے اپنے بیان میں کہا کہ امریکہ واپس پہنچنے کے بعد ساتھیوں کو چئیرمین سے ہونیوالی ملاقات کی تفصیل سے آگاہ کریں گے ۔ ۔

تاریخ اشاعت : 2017-09-29 00:00:00
مقبول ترین خبریں
امیگریشن خبریں
SiteLock