پاکستانی امریکن کمیونٹی کلب کے زیر اہتمام عظیم الشان جشن آزادی امریکہ 

 

نیویارک (خصوصی رپورٹ) ، تصاویر، آزاد ) پاکستانی امریکن کمیونٹی کلب کے زیر اہتمام حسب روایت اس سال بھی فورتھ آف جولائی کے موقع پر جشن آزادی امریکہ عظیم الشان انداز میں منایا گیا ۔

چئیرمین کمیونٹی کلب میاں فیاض کی قیادت میں منعقدہ تقریب میں قونصل جنرل راجہ علی اعجاز، ڈپٹی پولیس چیف بروکلین چارلس شول ، روحیل ڈار، رانا سعید، سلیم احمد ملک، راجہ آزاد گل ، عزیز بٹ ، لیفٹنٹ عدیل رانا، سارجنٹ زاہد چوہدری ، کمیونٹی افئیرز پولیس آفیسر ضیغم عباس،امیدواران سول جج، خورشید احمد بھلی، نوید اختر ، امین غنی ،احمد جان ، خرم ملک،فیاض خان ، سیمی زیدی ، فرح ملک، عبدالباسط، میاں خالد سعید، بشیر قمر، سعید حسن ، راجہ نزاکت علی ، شیر خان ، چوہدری پرویز اختر ، کیپٹن روبینہ ،جاوید خان سمیت دیگر نے کمیونٹی کے سینکڑوں ارکان کے ساتھ مل کر پہلے کونی آئی لینڈ ایونیو پر امریکی پرچم کشائی کی ۔

 

 

اس موقع پر امریکی عوام اور کمیونٹی کو جشن آزادی امریکہ کی مبارکباد دی گئی اور شرکاءکی جانب سے God Bless Americaکے نعرے لگائے گئے ۔ پرچم کشائی کی تقریب اور بعد ازاں منعقدہ فورتھ آف جولائی فیسٹول میں نظامت کے فرائض معروف دانشور، اینکر پرسن اور کام نویس سلیم احمد ملک نے اپنے مخصوص انداز میں کرکے تقریب میں تمام وقت سماں باندھے رکھا۔


فورتھ آف جولائی فیسٹول میں حسب روایت کمیونٹی کے بچوں نے اپنے والدین کے ساتھ بڑی تعداد میںشرکت کی۔ پرچم کشائی کے بعد سب نے ملکر امریکہ قومی ترانہ پڑھا۔ تقریب سے خطاب کے دوران کمیونٹی کلب کے چئیرمین میاں فیاض نے شرکاءکو جشن آزادی امریکہ کی مبارکباد دیتے ہوئے کہا کہ امریکہ بھی ہمارا وطن ہے ۔ہمیںیہاں اپنے قول و فعل سے کمیونٹی کا نام روشن کرنا ہے


قونصل جنرل راجہ علی اعجاز، روحیل ڈار، رانا سعید، بشیر قمر، سلیم احمد ملک ، سعید حسن ، عزیز بٹ ، رانا سعید، احمد جان ، لیفٹنٹ عدیل رانا، سارجنٹ زاہد چوہدری ، کمیونٹی افئیرز آفیسرز ضیغم عباس، سیمی زیدی ، فیاض خان ، خورشید احمد بھلی ، فرح ملک نے خطاب کے دوران کہا کہ ہم امریکی عوام کو جشن آزادی امریکہ پر دل کی گہرائیوں سے مبارکباد پیش کرتے ہیں ۔انہوں نے کہا کہ امریکہ مواقع کی سرزمین ہے ، پاکستانی کمیونٹی امریکی نظام کے قومی دھارے میں شامل ہوکر اپنا ہر ممکن کردار ادا کریں ۔

 

فیسٹول میں اعلیٰ پولیس حکام ڈپٹی چیف چارلس شول ، ڈپٹی انسپکٹر جیمز پلمبو، کیپٹن وال سمیت دیگر کو قونصل جنرل راجہ علی اعجاز، میاں فیاض اور راجہ آزاد گل نے ملکر ایوارڈز پیش کئے اور ان کی خدمات کو شاندار الفاظ میں سراہا۔ان پولیس حکام کی جانب سے پاکستانی امریکن کمیونٹی کلب کے منتظمین اور ٹیم کو کامیاب فورتھ آف جولائی فیسٹول منعقد کرنے پر مبارکباد دی گئی ۔

فیسٹول میں تعلیم سمیت مختلف شعبوں میں اعلیٰ کارکردگی کا مظاہرہ کرنے والے سٹوڈنٹس اور بچوں کو ایوارڈز اور تحائف پیش کئے گئے ۔ ہر سال کی طرح اس سال بھی فورتھ آف جولائی کے فیسٹول میں شرکاء، بالخصوص خواتین اور بچوں میں بے شمار تحائف تقسیم کئے گئے جس کی وجہ سے بچوں کی فورتھ آف جولائی کی خوشیاں دوبالا ہو گئیں ۔
پاکستانی امریکن کمیونٹی کے معروف فنکاروں سعدئیہ ملک ، حیدر افضل اور عمران بخاری اور ساتھیوں نے فیسٹول میں تمام وقت اپنے بہترین فن کا مظاہرہ کیا اور حاضرین سے خوب داد وصول کی ۔آخر میں میاں فیاض نے کمیونٹی اور ٹیم کمیونٹی کلب کا فورتھ آف جولائی فیسٹول کے عظیم الشان انعقاد پر شکرئیہ ادا کرتے ہوئے کہا کہ ہر سال کی طرح ہم انشاءاللہ فورتھ آف جولائی شایان شان طریقہ سے مناتے رہیں گے ۔

 

 

تاریخ اشاعت : 2017-07-07 00:00:00
مقبول ترین خبریں
امیگریشن خبریں
SiteLock