آئندہ الیکشن تک اوورسیز پاکستانیوں کو ووٹ کا حق مل جائیگا؛ بیرسٹر ظفر اللہ خان

پاکستانی امریکن کمیونٹی نیویارک کی معروف سماجی شخصیت مزمل بٹ کا وزیر اعظم کے معاون خصوصی بیرسٹر ظفر اللہ خان کے اعزاز میں استقبالیہ

 


بیرسٹر ظفر اللہ خان اقوام متحدہ میں خواتین کے عالمی حقوق کی سالانہ کانفرنس میں پاکستان کی نمائندگی کے سلسلے میں امریکہ آئے تھے ۔ ان کے دورہ امریکہ کے دوران مزمل بٹ کی جانب سے ان کے اعزازمیں خصوصی استقبالیہ کا اہتمام کیا گیا


استقبالیہ میں قونصل جنرل راجہ علی اعجاز کے علاوہ مزمل بٹ کے قریبی عزیز و اقارب نے شرکت کی ۔ انہوں نے بیرسٹر ظفر اللہ خان کو دورہ امریکہ اور اقوام متحدہ میں پاکستان کی کامیابی سے نمائندگی پر مبارکباد دی
 پاکستان میں خواتین کی تعلیم ، معاشی ترقی اور روزگار کے شعبوں میں ان کے لئے مساوی مواقع ،پارلیمان، مسلح افواج سمیت ہر سطح پر ان کی نمائندگی کو یقینی بنایا جا رہا ہے


مزمل بٹ نے بیرسٹر ظفر اللہ خان کی ملک و قوم کے لئے خدمات کو سراہتے ہوئے کہا کہ ان کے لئے اعزاز کی بات ہے کہ بیرسٹر ظفر اللہ نے دورہ نیویارک کے دوران ان کی دعوت قبول کی اور ان کے استقبالیہ میں شرکت کی


نیویارک (سپشل رپورٹر سے ) وزیر اعظم پاکستان میاں نواز شریف کے معاون خصوصی برائے پارلیمانی امور بیرسٹر ظفر اللہ خان نے کہا ہے کہ حکومت اور پارلیمان کی سطح پر اوورسیز میں بسنے والے پاکستانیوں کے ووٹ کے حق کے حوالے سے مختلف سطحوں پر اور مراحل میں کوششیں جاری ہیں اور مجھے یقین ہے کہ آئندہ الیکشن سے قبل اوورسیز پاکستانیوں کو حق رائے دہی مل جائے گا۔ یہ بات انہوں نے پاکستانی امریکن کمیونٹی نیویارک کی معروف سماجی و کاروباری شخصیت مزمل بٹ کی جانب سے اپنے اعزاز میں دئیے گئے عشائیہ میں غیر رسمی بات چیت اور میڈیا سے گفتگو کرتے ہوئے کہی ۔بیرسٹر ظفر اللہ خان اقوام متحدہ میں خواتین کے عالمی حقوق کی سالانہ کانفرنس میں پاکستان کی نمائندگی کے سلسلے میں امریکہ آئے تھے ۔ ان کے دورہ امریکہ کے دوران مزمل بٹ کی جانب سے ان کے اعزازمیں خصوصی استقبالیہ کا اہتمام کیا گیا۔

 

 

استقبالیہ میں قونصل جنرل راجہ علی اعجاز کے علاوہ مزمل بٹ کے قریبی عزیز و اقارب نے شرکت کی ۔ انہوں نے بیرسٹر ظفر اللہ خان کو دورہ امریکہ اور اقوام متحدہ میں پاکستان کی کامیابی سے نمائندگی پر مبارکباد دی ۔ بیرسٹر ظفر اللہ نے شرکاءکو اقوام متحدہ کی کانفرنس اور اسمیں کی جانیوالی کوششوں سے بھی آگاہ کیا ۔
پاکستان کے حالات کا ذکر کرتے ہوئے وزیر اعظم کے معاو ن خصوصی نے کہا کہ وزیر اعظم میاں نواز شریف کی خصوصی ہدایت پر اوورسیز پاکستانیوں کے حق رائے دہی کے سلسلے میں ہم نے کام شروع کیا۔سینیٹر و وفاقی وزیر اسحاق ڈار کی قیادت میں خصو صی کمیٹی بھی قائم کی گئی جو کہ مسلسل اس مسلے پر کام کرہی ہے اور مجھے یقین ہے کہ آئندہ الیکشن سے قبل یہ کام مکمل ہوجائے گا


ایک سوال کے جواب میں بیرسٹر ظفر اللہ نے کہاکہ میں بیرون ممالک میں ہوں تو وطن عزیز پاکستان کے داخلی و سیاسی امور پر تبصرے سے گریز کرتا ہوں تاہم وزیر اعظم میاں نواز شریف کو ایک غیر جانبدار نگران حکومت کی نگرانی میں ہونیوالے الیکشن میں عوام نے مینڈیٹ دیا۔ اس مینڈیٹ کے حوالے سے کسی بھی قسم کے شک و شبہات کو دور کرنے کے حوالے سے جوڈیشل کمیشن سمیت حکومت نے کسی بھی اقدام سے کبھی انکار نہیں کیا تاہم طریقہ کار کی وجہ سے اور سیاسی وجوہات کی وجہ سے معاملات کو بوجوہ التواءکا شکار بنایا گیا۔انہوں نے کہا کہ پی ٹی آئی کو پارلیمان کا بائیکاٹ ختم کرکے پارلیمانی کردار کے ذریعے ملک و قوم کے مسائل کے حل میں اپنا کردار اداکرنا چاہئیے ۔

 

 


بیرسٹر ظفر اللہ خان نے کہا کہ پاکستان میں خواتین کو ہر شعبہ ہائے زندگی میںبھرپور حقوق دینے کے لئے موجودہ دور میں اقدام کئے جا رہے ہیں ۔ انہوں نے کہا کہ پاکستان میں خواتین کی تعلیم ، معاشی ترقی اور روزگار کے شعبوں میں ان کے لئے مساوی مواقع ،پارلیمان، مسلح افواج سمیت ہر سطح پر ان کی نمائندگی کو یقینی بنایا جا رہا ہے ۔
مزمل بٹ نے بیرسٹر ظفر اللہ خان کی ملک و قوم کے لئے خدمات کو سراہتے ہوئے کہا کہ ان کے لئے اعزاز کی بات ہے کہ بیرسٹر ظفر اللہ نے دورہ نیویارک کے دوران ان کی دعوت قبول کی اور ان کے استقبالیہ میں شرکت کی ۔ مزمل بٹ نے قونصل جنرل راجہ علی اعجاز کا بھی خصوصی طور پر شکرئیہ ادا کیا۔

تاریخ اشاعت : 2015-03-19 00:00:00
مقبول ترین خبریں
امیگریشن خبریں
SiteLock