پاکولی کا عظیم الشان پاکستان ڈے اینڈ عید فیسٹول

 

نیویارک (خصوصی رپورٹ) پاکستانی امریکن کمیونٹی آف لانگ آئی لینڈ (پاکولی) کے زیر اہتمام حسب روایت اس سال بھی جشن آزادی پاکستان کے سلسلے میں آئزن ہاور پارک لانگ آئی لینڈ میں پاکستان ڈے اینڈ عید فیسٹول منعقد ہوا جس میں پاکولی کے عہدیداران اور کمیونٹی کے ہزاروں ارکان نے مل کر جشن آزادی پاکستان او ر عید کی خوشیاں ملکر منائیں ۔ اس موقع پر آئزن ہاور پارک پاکستان زندہ آباد کے نعروں سے گونج اٹھا۔


فیسٹول کے انعقاد میں پاکولی کے عہدیداران بشیر قمر، سلمان شیخ ، عتیق قادری ، سید جمال محسن ، عثمان عباس، شیخ ہمایوں شبیر، طاہرہ دین ، سلمان ظفر ، طاہرہ شریف، صوبیہ خان ، لیاقت سندھو سمیت ان کے ساتھیوں نے کلیدی کردار ادا کیا ۔فیسٹول میں نیویارک میں پاکستان کے قونصل جنرل راجہ علی اور ناسا کاو¿نٹی کے کمپٹرولر جارج میراگوس سمیت مقامی اہم شخصیات نے خصوصی شرکت کی اور پاکستانی امریکن کمیونٹی کو عید اور جشن آزادی کی مبارکباد دی ۔عتیق الرحمان قادری اور سید جمال محسن نے نظامت کے فرائض انجام دئیے ۔


اس موقع پاکولی کی جانب سے امریکی خلائی ادارے ناسا میں خدمات انجام دینے والی پاکستانی امریکن ایوی ایشن انجنئیر ہبا رحمانی ، پاکستان لیگ آف یو ایس اے کے روح رواں اجمل چوہدری اور معروف میوزک اینڈ کلچرل پروموٹر محمد عظیم کو ان کی خدمات کے اعتراف کے طور پر خصوصی ایوارڈز پیش کئے گئے اور ان کی خدمات کو شاندار الفاظ میں سراہا گیا ۔
کمپٹرولر ناسا کاو¿نٹی جارج میراگوس کی جانب سے پاکولی کے عہدیداران بشیر قمر، سلمان شیخ ، عتیق قادری ، سید جمال محسن ، عثمان عباس، شیخ ہمایوں شبیر، طاہرہ دین ، سلمان ظفر ، طاہرہ شریف، صوبیہ خان ، لیاقت سندھو، تسنیم قمر، سید عدنان بخاری کوجشن آزادی پاکستا ن کے حوالے سے خصوصی سائٹیشن پیش کی گئیں ۔


فیسٹول سے خطاب کرتے ہوئے قونصل جنرل راجہ علی اعجاز نے پاکولی کے عہدیداران کو جشن آزادی اور عید فیسٹول کے شاندار انعقاد پر مبارکباد پیش کرتے ہوئے کہا کہ ملک و قوم کو اوورسیز پاکستانیوں پر فخر ہے اور وہ ملک وقوم کا سرمائیہ ہیں ۔ انہوں نے کہا کہ اوورسیز پاکستانی امریکہ میں رہتے ہیں ، وہ یہاں کے قومی نظام کا حصہ بنیں ، ان کی کامیابی کے از خود ان کے وطن پاکستان پر مثبت اور اچھے اثرات مرتب ہونگے ۔ انہوں نے پاکولی کی جانب سے سال 2017کی اہم شخصیات کو ایوارڈز ملنے پر مبارکباد دی


جارج میراگوس نے کہا کہ لانگ آئی لینڈ میں پاکستانی امریکن کمیونٹی کی بڑی تعداد آباد ہے ، اس تعدا د میں روز بروز اضافہ ہو تا جا رہا ہے ۔ لانگ آئی لینڈ اور نیویارک میں بسنے والی پاکستانی امریکن کمیونٹی کی گرانقدر خدمات ہیں ۔ انہوں نے کہا کہ امریکہ مواقع کی سرزمین ہے ۔ہمیں ملکر اس امر کو یقینی بنانا ہے کہ ان مواقع سے سب یکساں طور پر مستفید ہوں ۔


پاکولی کے عہدیدارا ن بشیر قمر، سلمان شیخ ، عتیق الرحمان قادری ، سید جمال محسن ، لیاقت سندھو، طاہرہ دین، طاہر ہ شریف اور عثمان عباس نے کمیونٹی کا شکرئیہ ادا کرتے ہوئے کہا کہ فیسٹول کی کامیابی کا سہرا ان کے سر ہے ۔ انہوں نے کہا کہ ہمیں اپنی کمیونٹی پر فخر ہے ۔ پاکولی پاکستان کے یوم آزادی سمیت ہراہم موقع پر کمیونٹی کی نمائندگی کو واضح کرنے میں اپنا ہر ممکن کردار ادا کرتی رہے گی۔ انہوں نے کہا کہ ہمیں اپنی انفرادی ہی نہیں بلکہ اجتماعی کامیابی کو بھی یقینی بنانا ہے ۔ اس مقصد کے لئے پاکولی ایک ایسا پلیٹ فارم ہے کہ جس پر ہم سب کو جمع ہونے کی دعوت دیتے ہیں
پاکولی کے ماضی کے فیسٹول کے مقابلے میں اس سال منعقد ہونیوالا فیسٹول متعدد لحاظ سے مختلف اور منفر د تھا۔ اس سال جشن پاکستان کے حوالے سے پاکولی کے عہدیداران نے سبز ہلالی پرچم کے رنگوں کی مناسبت سے سفید شلوار قمیض اور سبز رنگ کی ویسٹ کوٹ جبکہ خواتین نے بھی پرچم کے رنگوں کے حوالے سے ڈیزائن کئے گئے خصوصی لباس پہنے جس کی وجہ سے پاکولی فیسٹول کا سٹیج تمام وقت پاکستان اور پاکستانیت کا منظر پیش کرتا رہا ۔


اسی طرح پاکولی کے زیر اہتمام اس سال پاکستان کے چاروں صوبوں سمیت گلگت بلتستان کی ثقافت کے رنگ بھی کلچرل پرفارمنس کے ذریعے بہترین انداز میں پیش کی گئیں ۔ پاکستان اور اس کی دھرتی پر بسنے والے لوگوں کی سینکڑوں سال پرانی امن ، محبت کی تاریخ کی کو مشہور زمانہ ہیر رانجھا کی داستان کو قصہ گوئی اور پرفارمنس کی انداز میں پیش کرتے ہوئے بتایا گیا کہ پاکستان کی دھرتی پر بسنے والے عوام کی سینکڑوں سال پرانی تاریخ اور محبت پیار اور محبت سے بھری پڑی ہے ۔ پیر رانجھا پرافارمنس میں پاکولی کے جمال محسن نے قصہ گوئی کی جبکہ صوبیہ خان نے بطور ہیر پرفارمنس کا مظاہرہ کیا ۔


اس موقع پر طاہرہ دین کی جانب سے پاکستانی شادیوں کی ایک اہم رسم مہندی کے حوالے سے بھی ایک خصوصی شو پیش کیا گیا جس میں شادی کے رسم و رواج اور ان کے دلچسپ پہلوو¿ں کو خوبصورتی سے پیش کیا گیا۔
فیسٹول میں پاکستان کے معروف فنکاروںیاسر اختر ، ملائکہ فیصل اور فرحان زیدی نے اپنے فن کا مظاہرہ کیا ۔ اس کے گیتوں اور نغموں بالخصوص ملی گیتوں پر پاکولی فیسٹول کے شرکاءخوشی سے جھوم اٹھے ، ان کے بول کے ساتھ بول ملا کر گانے گاتے رہے اور پاکستان زندہ آباد کے نعرے بلند کرتے رہے ۔

 

تاریخ اشاعت : 2017-09-10 00:00:00
مقبول ترین خبریں
امیگریشن خبریں

SiteLock