عدت 14فروری کو ختم ہوئی اور نکاح اس کے بعد ہوا ہے ۔ عمران خان کی اہلیہ بشریٰ خان کی سہیلی فرح خان سے جیو نیوز کی گفتگو  

 

تحریک انصاف کے سربراہ عمران خان کی تیسری اہلیہ بشریٰ خان کی سہیلی فرح خان نے دعویٰ کیا ہے کہ عدت 14فروری کو ختم ہوئی اور نکاح اس کے بعد ہوا ہے ۔ جیو نیوز سے گفتگو میں فرح خان نے کہا کہ عمران خان نے بشریٰ کی والدہ کو باقاعدہ رشتہ بھیجا ہوا تھا،دلہن کی والدہ نے رشتہ قبول کیا ،طلاق کے بعد عدت 14فروری کو ختم ہوئی ،اس کے بعد سادہ سی اور انتہائی مختصر تقریب میں نکاح ہوا ۔ فرح خان جو بشریٰ کی سہیلی ہونے کے ساتھ عمران خان کی منہ بولی بہن بھی ہیںاور شادی کی تقریب میں شریک چند لوگوں میں شامل تھیں،نے کہا کہ نکاح کی تقریب میں بہت تھوڑے مہمان بلائےگئےتھے۔ پراپرٹی کے کاروبار سے وابستہ فرح خان نے یہ بھی کہا کہ نکاح کے بعد بشریٰ عمران خان کے ساتھ بنی گالاکی ہو گئیں،وہ نئے جوڑ ے کے لئے دعا گو ہیں کہ اللہ ان کی زندگی میں بے شمار خوشیاں لائے ۔

تاریخ اشاعت : 2018-02-19 00:00:00
مقبول ترین خبریں
امیگریشن خبریں
SiteLock