تحریک انصاف نیویارک کے پارٹی الیکشن ، پرویز ریاض اور امجد نواز آمنے سامنے

 

نیویارک (پاکستانی نیوزپیپر) پاکستان تحریک انصاف نیویارک کے پارٹی الیکشن رواں ماہ ہونگے ۔ الیکشن سے پہلے پارٹی ممبر بننے کی مدت سات جولائی مقرر کی گئی ہے ۔ ممرشپ کی مدت ختم ہونے کے بعد 22جولائی کو پارٹی الیکشن ہونگے جس میںچوہدری پرویز ریاض امراءاور امجد نواز صدیقی آمنے سامنے آگئے ہیں ۔

 

تحریک انصاف کی جانب سے انتخابی طریقہ کار کی تبدیلی کے بعد ممبر شپ کواری ڈینیٹر کی بجائے اب ممبرز براہ راست پارٹی عہدیداروں کو منتخب کر سکیں گے ۔ دونوںامیدواران کے گروپوں کی جانب سے پارٹی میں زیادہ سے زیادہ ممبرز بنانے کی دوڑ شروع ہو گئی ہے ۔


پرویز امراءکی جانب سے اپنے پینل میں مرزا خاور بیگ کو سیکرٹری جنرل جبکہ اسلم ڈھلوں کو نائب صدر کے عہدے کےلئے امیدوار نامزد کیا گیا ہے جبکہ امجد نواز جلد ساتھی امیدواروں کا اعلان کریں گے ۔بتایا گیا ہے کہ جس امریکہ میں موجود تحریک انصاف کے جس چیپٹر میں کم از کم دو سے زائد ووٹ ہونگے وہاں پر پارٹی الیکشن کروائیں جائیں گے ۔

 

یہ امر قابل ذکر ہے کہ تحریک انصاف امریکہ کی ممبر شپ فیس دس ڈالرز ماہانہ اور 120ڈالرز سالانہ ہے ۔ ووٹ کا حقدار صرف واجبات ادا کرنے والا ممبر ہی ہوگا۔


نیویارک چیپٹر میں تحریک انصاف کے کتنے ممبرز ہیں ؟اس سوال کا ابھی حتمی جواب نہیں دیا جا رہا تاہم پارٹی میں ممبر شپ اور واجبات کی ادائیگی کا جو عمل سست تھا، اس میں الیکشن سر پر آن پہنچنے کی وجہ سے تیزی آرہی ہے اور خیال کیا جا رہا ہے کہ نیویارک چیپٹرز کے ارکان کی تعداد چار سو سے تجاوز کر جائے گی ۔

 

اس تناظر میں دیکھا جائے تو اگر نیویارک چیپٹر کے کم از کم چار سے ممبر بھی ہوتے ہیں اور سب ایک سو بارہ ڈالرز سالانہ کے حساب سے اپنی فیس ادا کرتے ہیں تو صرف نیویارک چیپٹرز سے پارٹی کو پارٹی الیکشن میں کم از کم چالیس ہزار ڈالرز سے زائد فنڈز اکٹھے ہو جائیں گے

پارٹی الیکشن بذریعہ بیلٹنگ نہیں بلکہ بذریعہ ٹیکسٹ میسج ووٹنگ کے ذریعہ ہوگا۔ ہر ممبر کو الیکشن والے دن اس کے مخصوص فون پر ٹیکسٹ آئیگا جس کے بعد وہ بذریعہ ٹیکسٹ اپنے امیدوار کی سپورٹ کا اعلان کرے گا یو پارٹی کے آئی ٹی سیکشن میں ان ٹیکسٹ میسجز کی گنتی کے بعد پارٹی الیکشن کا اعلان کر دیا جائیگا۔

 

 

......................................................................

تاریخ اشاعت : 2017-07-03 00:00:00
مقبول ترین خبریں
امیگریشن خبریں

SiteLock