برونکس پاکستان زندہ آباد کے نعروں سے گونج اٹھا، جشن آزادی پاکستان پر کامیاب میلہ

 

نیویارک (خصوصی رپورٹ)برونکس کمیونٹی کونسل کے زیر اہتمام جشن آزادی پاکستان کے سلسلے میں حسب روایت یہاں برونکس میلہ منعقدہوا جس میں برونکس سمیت نیویارک ٹرائی سٹیٹ ایریا کی پاکستانی امریکن کمیونٹی کے ارکان کی بڑی تعداد نے مل کر روایتی جوش و خروش کے ساتھ مادر وطن کا جشن آزادی منایا اور برونکس کونسل سمیت میلہ کمیٹی کی جانب سے کمیونٹی پر زو ر دیا گیا کہ وہ بہترین و مثالی کردار کا مظاہرہ کرتے ہوئے اچھے امریکی اور اچھے پاکستانی بن کر ملک و قوم کا نام روشن کریں ۔
برونکس میلے کے مہمان خصوصی قونصل جنرل پاکستان راجہ علی اعجاز تھے جبکہ کمیونٹی کے اس جشن اور خوشیوں میں سٹیٹ سینیٹر جیف کلائن ، اسمبلی مین (و امیدوار برائے سٹی کونسل برونکس ) مار ک جونائی ،نیویارک سٹیٹ کے گورنر اینڈریو کومو کی نمائدہ ، 49پریسنٹ کے کمانڈرکیپٹن تھامس ایلپس ،نمائندہ نیویارک سٹیٹ گورنر آفس نٹالیا ہرنڈس، مقامی پاسٹرجے گڈنگ ، پاسٹر جی سی کالنڈراورمئیر آفس کے نمائندے فامود و دیگر اہم شخصیات بھی شریک ہوئیں ۔ انہوں نے پاکستانی امریکن کمیونٹی کو جشن آزادی پاکستان کی مبارکباد دیتے ہوئے کہا کہ امریکہ کثیر الثقافت ملک ہے اور ڈائیورسٹی اس کی طاقت ہے ۔امیگرنٹ کمیونٹی امریکی نظام کے قومی دھارے میں شامل ہونے کے ساتھ ساتھ اپنی ثقافت ، روایات اور پہچان کو بھی برقرار رکھے ۔ دراصل یہی وہ اقدار ہیں کہ جن کی وجہ سے امریکہ مواقع کی سرزمین کہلاتا ہے ۔
پاکستان کے صدارتی ایوارڈ یافتی ثناءخواں امجد حسین کی جانب سے تلاوت قران مجید اور حمد و نعت سے میلے کا آغاز کیا گیا جس کے بعد برونکس کمیونٹی کونسل کے پیٹر ان ان چیف ڈاکٹر طاہر خان اور میاں شبیر گل کی جانب سے برونکس میلہ کمیٹی کے قائدین چئیرمین راجہ ساجد، پریذیڈنٹ چوہدری افضل گلبہار، سینئر وائس پریذیڈنٹ چوہدری ساجد وڑائچ، سیکرٹری جنرل نعیم بٹ ، وائس پریذیڈنٹس چوہدری عامر رزاق،راجہ بنارس، یاسین بھٹی، سعید اختر اور کونسل ڈائریکٹر سیمی اسد کو سٹیج پر مدعو کرتے ہوئے برونکس میلے کے انعقاد میں ان کی خدمات اور کردار کو شاندار الفاظ میں سراہا گیا ۔ اس موقع پر میلے میں موجود اہم شخصیات اور کمیونٹی کے سینکڑوں ارکان کی جان سے برونکس میلہ کمیٹی کے تمام عہدیداران کے کردار کو تالیوں کی گونج میں سراہا گیا اور برونکس پارک ایسٹ پاکستان زندہ آباد اور امریکہ پائندہ آباد کے نعروں سے گونج اٹھا۔نظامت کے فرائض طاہر خان ، نعیم بٹ اور پاکستان کے ٹی وی ، سٹیج اور فلم کے معروف فنکار اسد نذیر نے ادا کئے ۔پاکستان اور امریکہ کے قومی ترانے سیمی اسد اور ان کی ساتھیوں نے پڑھے ۔
پاکستانی امریکن کمیونٹی کی یوتھ کی اہم و نمائندہ تنظیم پاکستانی امریکن یوتھ آرگنائزیشن (PAYO)کے وکیل احمد، جواد شبیر ، محمد حسین ایڈوکیٹ کی جانب سے برونکس میلے کی سیکورٹی سمیت دیگر انتظامی معاملات میں معاونت کا مثالی کردار اد ا کیا گیا۔
برونکس میلے کے موقع پر برونکس پارک ایسٹ کو پاکستان اور امریکہ کے جھنڈوں سے سجایا گیا تھا جبکہ میلے میں شریک کمیونٹی کے بچے ، بوڑھے اور جوانوں کی اکثریت قومی لباس میںملوس تھی اور انہوں نے اپنے ہاتھوں میں پاکستان کے جھنڈے تھام رکھے تھے جنہیں وہ مختلف تمام وقت فضاءمیں لہراتے رہے اور پاکستان کے حق میں نعرے بلند کرتے رہے ۔
برونکس کمیونٹی کونسل اور برونکس میلہ کمیٹی کے قائدین افضل گلبہار، راجہ ساجد، طاہر خان ، شبیر گل، نعیم بٹ و دیگر نے خطاب کے دوران کہا کہ برونکس میں جشن آزادی پاکستان کے کامیاب میلے کا تمام تر کریڈ ٹ برونکس کمیونٹی کونسل ، میلہ کمیٹی کے تمام ساتھیوں کو جاتا ہے کہ جنہوں نے دن رات محنت کرکے اسے ایک کامیاب ایونٹ بنایا ۔ انہوں نے کہا کہ وہ میلے میں شریک کمیونٹی ارکان کے بھی مشکور ہیں کہ جن کی شرکت کی وجہ سے میلے کی رونق دوبالا ہوئی اور برونکس پارک ایسٹ نے ایک لٹل پاکستان کا منظر پیش کیا ۔ انہوں نے کمیونٹی ارکان پر زو ر دیا کہ وہ برونکس کمیونٹی کونسل کی سپورٹ کریں تاکہ وہ ایسے ایونٹس منعقد کرتی رہے ۔
اس موقع پر برونکس میلہ کمیٹی اور برونکس کمیونٹی کونسل کی جانب سے 49پریسنٹ کے کمانڈر کیپٹن تھامس ایلپس ، مسلم پولیس آفیسرز سوسائٹی کے پریذیڈنٹ لیفٹنٹ عدیل رانا ، راجہ ساجد ، چوہدری عامر رزاق اور چوہدری ظفر چب کو ان کی خدمات کے اعتراف کے طور پر خصوصی ایوارڈز پیش کئے گئے ۔
میلے میں شریک گورنر نیویارک سٹیٹ اینڈریو کومو کی نمائندہ نے گورنر کی جانب سے جاری کردہ خصوصی سائٹیشن برونکس کمیونٹی کونسل اور برونکس میلہ کے عہدیداران پیٹر ان ان چیف ڈاکٹر طاہر خان اور میاں شبیر گل کی جانب سے برونکس میلہ کمیٹی کے قائدین چئیرمین راجہ ساجد، پریذیڈنٹ چوہدری افضل گلبہار، سینئر وائس پریذیڈنٹ چوہدری ساجد وڑائچ، سیکرٹری جنرل نعیم بٹ ، وائس پریذیڈنٹس چوہدری عامر رزاق،ولی اللہ ، راجہ بنارس اور کونسل ڈائریکٹر سیمی اسدکو پیش کیں ۔جس پر سب نے ان کا خصوصی شکرئیہ ادا کیا ۔
میلے سے خطاب کے دوران قونصل جنرل راجہ علی اعجاز نے برونکس میلہ کمیٹی کو کامیاب میلے کے انعقادپر مبارکباد دی اور کہا کہ پاکستان امریکن جہاں بھی رہیں ، وہ تعلیم و تربیت کے ساتھ ساتھ یہاں کے نظام کا بھی موثر حصہ بنیں ۔ وہ کامیاب ہوں گے تو ملک و قوم کا نام از خود روشن ہوگا۔
میلے میں پاکستان کی چوٹی کے فنکاروں ترنم ناز، افشین حیات اور ذیشان حیات (مہوش حیات میوزیکل گروپ) ، ملائکہ فیصل و دیگر نے اپنے فن کا مظاہرہ کیا ۔ ان کی جانب سے گائے جانیوالے قومی نغموں کی دھنوں پر میلے میں شریک شرکاءجھوم اٹھے اور انہوں نے تالیاں بجا کر انہیں داد کی اور پاکستان کے حق میں نعرہ بازی کی ۔
آخر میں برونکس میلہ کمیٹی کی جانب سے تمام شرکاءکا شکرئیہ ادا کیا گیا اور اعلان کیا گیا کہ انشاءاللہ آئندہ سال بھی برونکس کمیونٹی کونسل کی جانب سے حسب روایت جشن آزادی پاکستان پر پاکستان آزادی میلہ منعقد کیا جائیگا۔

تاریخ اشاعت : 2017-09-05 00:00:00
مقبول ترین خبریں
امیگریشن خبریں
SiteLock