ممتاز حسین کا سٹیج پلے” لیگل ایلین“ کا نیو یارک یونیورسٹی میں پیش 

 

 

نیویارک (خصوصی رپورٹ) ممتاز آرٹسٹ ممتاز حسین کئی نئی سٹیج پلے کاوش لیگل ایلین (Legal Alien) کا خصوصی سٹیج شو نیویارک یونیورسٹی کے کمیل ہال (Kimwel Hall) منعقد ہوا، جس میں ” لیگل ایلین “ کے فنکاروں نے ہر طبقہ فکر سے تعلق رکھنے والے شرکاءکی موجودگی میں خوبصورتی کے ساتھ شو پیش کیا اور اپنی جاندار (LIVE) کارکردگی سے لوگوں کو بہت محظوظ کیا۔ لیگل ایلین سرمایہ دارانہ استحصال پر ایک گہرا طنز ہے۔ ڈان ٹوبول اور مومنہ ضیاءفاﺅنڈیشن سے لائیو سٹیج پلے کے انعقاد میں خصوصی تعاون کیا تھا۔ تین حصوں پر مشتمل لیگل ایلین میں بتایا گیا کہ کس طرح قرضوں کے بوجھ کی وجہ سے سرمایہ دارانہ معاشرے میں لوگوں کا استحصال ہوتا ہے اور وہ مختلف قسم کے دباﺅ کا شکار رہتے ہیں اور خود کو کتوں سے بد تر صورتحال میں گھیرا محسوس کرتے ہیں۔

 

 

اقوام متحدہ میں پاکستان کی مستقل مندوب ڈاکٹر ملیحہ لودھی مہمان خصوصی تھی۔ انہوں نے شو سے پہلے خطاب بھی کیا اور کہا کہ نیو یارک یونیورسٹی سے ان کی جذباتی وابستگی ہے کیونکہ یہاں سے ان کے صاحبزادے نے گریجویشن کی ہے۔ انہوں نے ممتاز حسین کی تخلیقی صلاحیتوں کو سراہا اور کہا کہ انہوں نے ان کی تحریریں پڑھی ہیں اور وہ ان سے بے حد متاثر ہیں۔مومنہ ضیاءفاﺅنڈیشن کی روح رواں معروف صحافی طیبہ ضیاءچیمہ کے صاحبزادے نے ممتاز حسین کے لیگل ایلین پلے کو سٹیج کرنے کے مقصد سے آگاہ کیا۔ان کی بہن مومنہ چیمہ جو چند سال قبل ٹریفک کے المناک حادثے میں جل گئی تھیں وہ نیو یارک پولیس سٹی میں داخلہ لے چکی تھیں مگر قدرت کو منظور نہ تھا۔

 

 

واضح رہے کہ مومنہ فاﺅنڈیشن مومنہ چیمہ کی یاد میں قائم کی گئی ہے جو قانون کی اعلیٰ تعلیم کے خواہشمند با صلاحیت پاکستانی سٹوڈنٹس کو سکالر شپ دیا کرے گی۔ واضح رہے کہ مومنہ چیمہ ہاورڈ لا سکول کی گریجویٹ تھیں۔ نظامت کے فرائض پاکستان کے سابق سینئر سفارتکار قاضی شوکت فرید نے انجام دئیے۔ وہ پارلیمانی اسمبلی میڈمیٹرین پام کے ایمبسیڈر اور مستقل آبزرور ہیں۔ انہوں نے لیگل ایلین کے ڈائریکٹر ممتاز حسین کی فنکارانہ صلاحیتوں پر انہیں زبردست خراج تحسین پیش کیا۔ وہ خدا داد صلاحیتوں سے مالا مال ہیں۔ ایمبسیڈر فرید نے ڈاکٹر ملیحہ لودھی کو خوش آمدید کہتے ہوئے کہا کہ اقوام متحدہ میں سفارتی ذمہ داریاں نبھانے کے ساتھ ساتھ وہ پاکستان کی ثقافتی سرگرمیوں کے فروغ میں بھی سرگرم عمل کردار ادا کر رہی ہیں۔ ملیحہ لودھی نے کہا کہ آرٹ اور ثقافتی سرگرمیاں زندہ قوموں کی نشانیاں ہیں۔ انہوں نے کہا کہ پاکستان میں فن و ثقافت اور موسیقی عروج کی جانب گامزن ہیں اور فن ترقی کی نئی بلندیوں پر ہے۔ انہوں نے کہا کہ اس قسم کی سرگرمیوں سے امریکہ میں پاکستان کے بارے میں منفی تاثرات ختم کرنے میں مدد ملے گی ۔ خدادادممتاز حسین نے اس موقع پر لیگل ایلین کے حوالے سے اپنے نکتہ نظر کا اظہار کیا۔ انہوں نے سٹیج پلے دیکھنے کیلئے آنے والوں کا تہہ دل سے شکریہ ادا کیا اور کہا کہ اس سے ان کی حوصلہ افزائی ہوئی ہے۔ ڈان ٹریول کے سعید حسن نے ممتاز حسین کو خراج تحسین پیش کرتے ہوئے کہا کہ فن و ثقافت کی ترقی و ترویج کے لئے انکی کاوشیں قابل داد ہیں ۔انہوں نے کہا کہ ڈان ٹریول اس قسم کے پروگراموں کے انعقاد میں تعاون کرتا رہے گا۔

 

تاریخ اشاعت : 2015-11-16 00:00:00
مقبول ترین خبریں
امیگریشن خبریں
SiteLock