پاکستان میں تبدیلی آکر رہے گی ، تحریک انصاف اور عمران خان پاکستان کا روشن مستقبل ہیں ، اعجاز خان

اختر علی کی صدارت میںمنعقدہ استقبالیہ میں تحریک انصاف پنجاب کے سابق صدر و مرکزی رہنما اعجاز چوہدری نے خصوصی شرکت کی


استقبالیہ میںسلیم شیخ ، محمد سلیم مکھی ، راشد لطیف، راحیلہ خان ،عائشہ، صبیح پیر زادہ،راجہ یعقوب ، یاسین چوہان ، علی بختیاری،نعیم احمد، وسیم بٹ ، شفقت چوہدری، رضوان معین ،اعتزاز حسن سمیت یوتھ ونگ کے ارکان کی شرکت


سٹیج سیکرٹری کے فرائض صدر تحریک انصاف شکاگو راحیلہ خان نے انجام دئیے ،تلاوت قران مجید کی سعادت مدثر نے حاصل کی ۔


اختر علی نے خوش آمدید کہتے ہوئے کہا کہ اعجاز چوہدری نے پنجاب میں جس انداز میں تحریک انصاف کو مضبوط اور موثر بنایا ، وہ قابل ستائش ہے ،ہم عمران خان کے شانہ بشانہ ساتھ چلیں گے ، اختر علی


شکاگو (رپورٹ: ندیم اعجاز ملک سے ) پاکستان تحریک انصاف امریکہ کے چئیرمین اور پاکستان تحریک انصاف شکاگو کی جانب سے امریکہ کے دورے پر آئے پارٹی کے سابق صدر پنجاب اور مرکرکزی رہنما اعجاز احمد چوہدری کے اعزازمیں یہاں استقبالیہ دیا گیا ۔اختر علی کی صدارت میں منعقدہ استقبالیہ میں پارٹی کے مقامی قائدین اور کمیونٹی کی مختلف شعبہ ہائے زندگی سے تعلق رکھنے والی اہم شخصیات سلیم شیخ ، محمد سلیم مکھی ، راشد لطیف، راحیلہ خان ،عائشہ، صبیح پیر زادہ،راجہ یعقوب ، یاسین چوہان ، علی بختیاری،نعیم احمد، وسیم بٹ ، شفقت چوہدری، رضوان معین ،اعتزاز حسن سمیت یوتھ ونگ کے ارکان نے شرکت کی ۔سٹیج سیکرٹری کے فرائض صدر تحریک انصاف شکاگو راحیلہ خان نے انجام دئیے ،تلاوت قران مجید کی سعادت مدثر نے حاصل کی ۔


اختر علی نے اپنی اور تحریک انصاف شکاگو کی جانب سے اعجاز چوہدری کو امریکہ بالخصوص شکاگو آمد پر خوش آمدیدکہا۔انہوں نے انہیں یہاں پارٹی کی کارکردگی اور ساتھیوں کی خدمات کے بارے میں آگاہ کیا۔ اختر علی نے اعجاز چوہدری سے کہا کہ آپ پاکستان واپس جا کر چئیرمین عمران خان سمیت پارٹی قیادت کو یہ یقین دلائیں کہ ہم عمران خان کے شانہ بشانہ ساتھ چلیں ہیں اور ہمیشہ ساتھ چلیں گے ۔

 

انہوں نے پنجاب میں پارٹی کو مضبوط اورموثر بنانے میں اعجاز چوہدری کی خدمات کو شاندار الفاظ میں خراج تحسین پیش کیا
اعجاز چوہدری نے استقبالیہ سے خطاب کرتے ہوئے اختر علی سمیت دیگر تمام ساتھیوں کا شکرئیہ ادا کیا ۔ انہوں نے کہا کہ پاکستا ن میں تبدیلی آکر رہے گی ۔ عمران خان اور تحریک انصاف پاکستان کا روشن مستقبل ہیں۔ اس روشن مستقبل کے حصول کو یقینی بنانے کے سلسلے میں قوم چئیرمین عمران خان کے ہاتھ مضبوط کریں ۔ انہوں نے کہا کہ اپنی اپنی باری لگا کر ملک وقوم کا دیوالیہ نکالنے والے نواز شریف اور آصف زرداری سمیت مفاد پرستوں کا ایک ٹولہ پاکستان پر مسلط چلا آرہا ہے ۔ پاکستان کو اس ٹولے سے نجات دلائیں گے تو ملک و قوم ترقی کریں گے کیونکہ اس ٹولے کو صرف اور صرف اپنے مفادات عزیز ہیں ۔ انہوں نے کہا کہ عمران خان شروع دن سے چار حلقے کھولنے کا مطالبہ کررہے تھے ۔ حکمران ان کا مطالبہ کیوں نہیں مان رہے تھے ؟اس سوا ل کا جواب اب ٹری بیونل کا فیصلہ سامنے آنے کے بعد مل گیا ہے ۔اعجاز چوہدری نے کہا کہ آپ یقین رکھیں کہ پاکستان میں تبدیلی کو کوئی نہیں روک سکتا۔

 

 

اعجاز چوہدری نے مزید کہا کہ مجھے پچیس ممالک میں جانے کا اتفاق ہوا ہے۔ میں نے ان کی پیشانی پر جو تحریر لکھی ہوئی دیکھی وہ یہ ہے میں بھی پاکستانی ہوں ، تو بھی پاکستانی ہے ۔ انہوں نے کہا کہ پاکستانی امن پسند قوم ہے۔ ہم میں سے کوئی بھی دہشت گرد نہیں ہے ۔ پاکستان دہشت گرد ملک نہیں بلکہ پاکستانی پیار محبت کرنے والے لوگ ہیں ۔

 

انہوں نے کہا کہ اس سے زیادہ ظلم حکمران سے کیا کر سکتے ہیں کہ انہوں نے گذشتہ 35سالوں سے ایک گھونٹ پانی بھی جمع نہیں کر سکے۔ اعجاز چوہدری نے کہا کہ پاکستان ان لوگوں کے ہاتھ میں رہا ہے کہ جنہیں ملک وقوم سے کوئی ہمدردی نہیں تھی۔پاکستان کوئی غریب ملک نہیں ہے، موجودہ حکمران اڑھائی سال سے نہیں بلکہ گذشتہ آٹھ سالوں سے حکومت کررہے ہیں۔ زرداری اور موجودہ حکمرانوں میں کوئی فرق نہیں ، ہمارے ہاں حکمرانوں کے دن پھر گئے لیکن عوام کے دن نہیں پھرے ۔

 

انہوں نے کہا کہ نواز شریف دور کے بعد اب ہر پاکستانی ایک لاکھ دس ہزار کا مقروض ہے ۔ ملک میں بجلی کی قیمت دوگنی ہوگئی ہے ۔ تبدیلی اس وقت آئے گی کہ نظام کا راج ہوگا۔ انہوں نے کہا کہ خیبر پختونخوا میں ایک ماڈل حکومت قائم ہے ، وہاں کوئی سیاسی مداخلت نہیں ۔

 

اعجاز چوہدری نے کہا کہ پیپلزپارٹی اور ایم کیو ایم پاکستان میں جاری آپریشن نہیں چاہتے ۔۔

تاریخ اشاعت : 2015-09-30 00:00:00
مقبول ترین خبریں
امیگریشن خبریں
SiteLock