نیویارک کی پاکستانی امریکن کمیونٹی کا متاثرین ہیوسٹن کی ہر ممکن مدد کا اعلان

 

نیویارک (خصوصی رپورٹ) پاکستانی امریکن یوتھ سوسائٹی کے احسن چغتائی ، کاشف حسین اور شاہد حمید کے زیر اہتمام یہاں کمیونٹی کا ایک خصوصی اجلاس منعقد کیا گیا جس میں ہیوسٹن میں سیلاب کی تباہ کاریوں اور متاثرین سیلاب کی بلا امتیاز مدد کے حوالے سے نیویارک کی کمیونٹی کے کردار کا جائزہ لیا گیا۔

 

اس اجلاس میں نیویارک سے کمیونٹی کی اہم شخصیات ڈاکٹر اعجاز احمد،مروت خان ،لیفٹنٹ عدیل رانا، احمد جان ، اسد چوہدری ، سٹورا ، ولیم شہزاد، جیمز سپرئین ، عالیہ صدیقی ، فوزیہ چغتائی و دیگر نے شرکت کی ۔


اجلاس میں ہیوسٹن سے کمیونٹی رہنما ایم جے خان نے بذریعہ فون شرکت کی ۔ انہوں نے امدادی سرگرمیوں اور پاکستانی کمیونٹی کے کردار کے بارے میں آگاہ کیا اور کہا کہ امریکہ بھر میں پاکستانی امریکن کمیونٹی کو اس کام میں بڑھ چڑھ کر حصہ لینا چاہئیے ۔ انہوں نے کہا کہ ہمارا ادارہ جو بھی فنڈز اور اشیاءاکٹھا کررہا ہے ، اس کو شفاف انداز میں متاثرین میں تقسیم کررہا ہے ۔ اس سلسلے میں آن لائن امداد کا نظام بنا دیا گیا ہے ۔


ایم جے خان نے کہا کہ نیویارک میں بسنے والی پاکستانی امریکن کمیونٹی PAYSکے ذریعہ بروکلین(نیویارک) میں امدادی سامان دے سکتی ہے اور آن لائن فنڈز دے سکتے ہیں ۔


احسن چغتائی اور کاشف حسین نے کہا کہ کونی آئی لینڈ ایونیو بروکلین پر PAYSکا دفتر اس کام میں اپنا ہر ممکن کردارا داکرے گا۔ اس سلسلے میں کمیونٹی کے جو لوگ مدد اور اپنا کردار ادا کرناچاہتے ہیں ، وہ ہم سے رابطہ کریں ۔


شرکاءنے اجلاس سے خطاب کے دوران کہا کہ ہیوسٹن کے عوام سے مکمل یکجہتی کا اظہار کرتے ہیں ۔امریکہ میں ہمیں ترقی اور آگے بڑھنے کے بہت سے مواقع ملے ۔ اب ہمارا فرض ہے کہ ہم مشکلات کا شکار سیلاب زدگان کی پر ممکن مدد کریں ۔

تاریخ اشاعت : 2017-09-06 00:00:00
مقبول ترین خبریں
امیگریشن خبریں
SiteLock