کالا دھن سفید کرنے کا نیا طریقہ؟ سال 2016ء میں 2700 پاکستانیوں کو 102 ارب روپے بیرون ملک سے تحفے میں بھیجے گئے

لاہور: (دنیا نیوز) کالا دھن سفید کرنے کا نیا طریقہ؟ سال 2016ء میں 2700 پاکستانیوں کو 102 ارب روپے بیرون ملک سے تحفے میں بھیجے گئے۔ ایف بی آر انٹیلی جنس ڈائریکٹوریٹ کا سنیٹ کی قائمہ کمیٹی برائے خزانہ میں حیرت انگیز انکشاف ہوا کہ پاکستانیوں کو باہر سے اربوں روپے کے تحفے بھیجے گئے۔ ارکان نے کالا دھن سفید کرنے کا شبہ ظاہر کیا۔

 

ق لیگ کے کامل آغا کہتے ہیں انہیں کوئی ادھار نہیں دیتا یہ کون لوگ ہیں جنہیں اربوں روپے کے تحفے ملے۔ رپورٹ کے مطابق آٹھ افراد کو 50 کروڑ سے ایک ارب روپے بیرون ملک سے تحفے میں ملے۔ انچاس افراد نے اپنی ویلتھ سٹیٹمنٹ میں 20 کروڑ سے 50 کروڑ روپے بطور گفٹ ظاہر کئے۔ ایف بی آر انٹیلی جنس ڈائریکٹوریٹ نے معاملے کی تحقیقات کا آغاز کر دیا ہے۔

تاریخ اشاعت : 2017-06-26 00:00:00
مقبول ترین خبریں
امیگریشن خبریں
SiteLock