پاکستان کی طرح امریکہ میں بسنے والے پاکستان پیپلزپارٹی کے جیالوں نے بھی پارٹی کے بانی ذوالفقار علی بھٹو کی 38ویں برسی منائی

 

پاکستان کی طرح امریکہ میں بسنے والے پاکستان پیپلزپارٹی کے جیالوں نے بھی پارٹی کے بانی ذوالفقار علی بھٹو کی 38ویں برسی منائی ۔ اس سلسلے میں پیپلز پارٹی امریکہ کے سینئر رہنما چوہدری اعجاز فرخ کی رہائشگاہ پر تقریب منعقد ہوئی جس میں پارٹی کارکنان نے ذوالفقار علی بھٹو سمیت پارٹی کے مرحوم قائدین و کارکنان کی ارواح کے ایصال ثواب کے لئے فاتحہ خوانی کی ۔
اجلاس سے خطاب کرتے ہوئے پیپلز پارٹی امریکہ کے ارکان نے کہا کہ 38سال گذر جانے کے باوجود ذوالفقار علی بھٹو نہ صرف پاکستانی عوام بلکہ اوورسیز میں بسنے والے جمہوریت پسند پاکستانیوں کے دل میں بستے ہیں ۔ انہوں نے کہا کہ یہ ذوالفقار علی بھٹو کے کارناموں میں سے ایک کارنامہ تھا کہ جو انہوں نے عام پاکستانیوں کو پاسپورٹ جاری کئے جو کہ اب بیرون ممالک میں دن رات محنت کرکے وطن عزیز کو ہر سال اربوں ڈالرز کا زرمبادلہ بھیجتے ہیں ۔پارٹی کارکنوں نے کہا کہ وہ آصف زرداری اور بلاول بھٹو کی قیادت میں دیار غیر میں ملک و قوم کا نام روشن کرنے اور جمہوریت کے استحکام میں اپنا کردار ادا کرتے رہیں گے ۔ آخر میں پارٹی کارکنوں نے پیپلز پارٹی اور اپنے قائدین کے حق میں نعرہ بازی بھی کی ۔

 

تاریخ اشاعت : 2017-04-04 00:00:00
مقبول ترین خبریں
امیگریشن خبریں
SiteLock