اکنا ریلیف کے زیر اہتمام مسجد قبابروکلین میں تیسری فوڈ پینٹری کا افتتاح

 

نیویارک میں قائم ہونیوالی تیسری اور بروکلین میں پہلی فوڈ پینٹری کے قیام میں ڈاکٹر نصر اللہ ان کے بھائی ڈاکٹر فتح سمیت مسجد انتظامیہ نے اہم کردار اد اکیا


اکنا ریلیف کے التاج، انور گجر، معوذ صدیقی ،ڈاکٹر نصر اللہ ، ڈاکٹر فتح اور ان کے ساتھیوں کی خدمت خلق کے اس نئے سلسلہ کو شاندار الفاظ میں سراہا گیا ، بلا امتیاز خدمت خلق کی جائے گی


نیویارک (خصوصی رپورٹ) اکنا ریلف کے زیر اہتمام امریکہ میں 28 ویں اور نیویارک میں تیسری اور بروکلین میں پہلی حلال فوڈ پینٹری کا افتتاح ہو گیا ۔ یہ فوڈ پینٹری فوسٹر ایونیو بروکلین پر واقع مسجد قباءمیں قائم کی گئی ہے جس کا باقاعدہ افتتاح جمعہ کو نماز جمعہ کے بعد ایک پروقار تقریب میں کیا گیا ۔ اس فوڈ پینٹری میں بلا رنگ ونسل ہر ضرورتمندوں کو مہینہ میں دو مرتبہ راشن دیا جاے گا ۔ فوڈ پینٹری کی انتظامیہ کے مطابق نان مسلم کمیونٹی ارکان کو ترجیح دینے کی کوشش کی جائے گی تاکہ دین اسلام کی بلا امتیاز خدمت خلق کا فریضہ ادا ہو اور دین کا یہ پہلو بھی نمایاں ہو۔


ڈاکٹر نصر اللہ نے انور گجر ، ڈاکٹر فتح سمیت کمیونٹی کی مقامی شخصیات اور ارکان کے ساتھ ملکر فوڈ پینٹری کا افتتاح کیا ۔ تقریب میں مسجد کے نمازیوں کے علاوہ مقامی کمیونٹی ارکان بھی شریک تھے ۔

 

شرکاءکی جانب سے اکنا ریلیف اور مسجد قبا کی اس مشترکہ کوشش کو سراہا گیا ۔اکنا ریلیف کے اسسٹنٹ ڈائریکٹر محمد التاج، انور گجر، معوذ صدیقی نے فوڈ پینٹری کے لئے جگہ دینے پر ڈاکٹر نصر اللہ خان ، ڈاکٹر فتح خان سمیت مسجد انتظامیہ کا شکرئیہ ادا کیا اور کہا کہ خدمت خلق کے اس کام کا مقصد دین اسلام کے انسانیت کی خدمت کے فرض کی ادائیگی کے ساتھ ساتھ دین اسلام کے اہم پہلوو¿ں کو اجاگر کرنا ہے ۔ انہوں نے کہا کہ فوڈ پینٹری میں بلا امتیاز ضرورت مندوں کی ہر ممکن مدد کی جائے گی ۔ یہ فوڈ پینٹری مہینے میں دو بار کھلا کرے گی جس میں مسلم ، غیر مسلم سمیت ہر قسم کے کمیونٹی ارکان کی مدد کی جائے گی ۔ انتظامیہ کے مطابق اگر کمیونٹی کے مستحق افراد اس فوڈ پینٹری میں اپنا حصہ ڈالنا چاہیں تو وہ مسجد قبا میں ضروریات زندگی کی اشیاءڈونیٹ کر سکتے ہیں ۔

 


ڈاکٹر نصر اللہ نے کہا کہ مسجد اللہ کا گھر ہے اور اللہ تعالیٰ کے اہم احکامات میں سے اہم حکم یہ ہے کہ انسانیت کی خدمت کی جائے ۔ اکنا ریلیف کے فوڈ پینٹری کے اقدام کا بھی یہی مقصد ہے ۔ اس کام میں ہر کوئی بڑھ چڑھ کر حصہ لیں ۔ انور گجر، معوذ صدیقی اور محمد التاج کی جانب سے شرکاءکا شکرئیہ ادا کیا گیا ۔انہوں نے کہا کہ اکنا ریلیف خدمت خلق کا اپنا سلسلہ جاری رکھے ہوئے ہیں ۔ اس سلسلے میں ہم سب کو شامل ہونے کی دعوت عام دیتے ہیں ۔


تاریخ اشاعت : 2017-06-01 00:00:00
مقبول ترین خبریں
امیگریشن خبریں
SiteLock