خیبر سوسائٹی نیویارک کے زیر اہتمام یوم آزادی امریکہ

 

نیویارک ( خصوصی رپورٹ) امریکہ میں پشتون امریکن کمیونٹی کی نمائندہ تنظیم خیبر سوسائٹی کے زیر اہتمام حسب روایت اس سال بھی یوم آزادی امریکہ رواتی جوش و خروش کے ساتھ منایا گیا ۔

 

تقریب میں خیبر سوسائٹی کے پریذیڈنٹ بہادر علی شاہ ، چئیرمین بورڈ آف ڈائریکٹر تاج اکبر خان ، جنرل سیکرٹری ذکریا خان ، سینئر نائب صدرعلی شیر خان ، نائب صدر توحید اللہ ،جوائنٹ سیکرٹری صفدر امین ، پریس سیکرٹری رحیم اللہ خان ، فنانس سیکرٹری عرفان خان ، کوارڈی نیٹر پبلک ریلیشن اکرام رشید ، جمال خان (وائس چئیرمین بورڈ آف ڈائریکٹر) ، ابرار خان کاکا ، زمان آفریدی کے علاوہ کمیونٹی کی اہم شخصیات ڈاکٹر نصر اللہ ،ڈاکٹر شفیق خان ، کرنل (ر) افتخار ، عبدالرب خان ، ڈاکٹر جمشید خان نے بھی خصوصی شرکت کی


تقریب سے خطاب کے دوران مقررین نے امریکی عوا م اور کمیونٹی کو امریکہ کے یوم آزادی (فورتھ آف جولائی) پر مبارکباد دیتے ہوئے کہا کہ امریکہ مواقع کی سرزمین (Land of Opportunities)ہے ۔ یہاں ملکر اجتماعی کردار کو یقینی بنانا ہوگا ۔ قائدین نے کمیونٹی ارکان پر زور دیا کہ وہ امریکی نظام کے قومی دھارے میں شامل ہوکر اپنا کردار ادا کرے ۔'

تقریب سے خطاب کے دوران بہادر علی شاہ نے کہا کہ ہمیں قونصل جنرل راجہ علی اعجاز سے گلہ ہے کہ انہیں کمیونٹی کی دیگر تنظیموں کی طرح ہم نے بھی فورتھ آف جولائی کی تقریب میں شرکت کی دعوت دی تھی لیکن انہوں نے دوسری تنظیم کی تقریب میں شرکت کی لیکن ہمیں نظر انداز کیا ۔

 

تقریب میں خیر سوسائٹی کی کارکردگی اور آئندہ پروگراموں کے بارے میں شرکاءکو آگاہ کیا اور ان پر زور دیا گیا کہ وہ پروگراموں میں بڑھ چڑھ کر حصہ لیا کریں ۔تقریب کے آخر میں شرکاءکے اعزاز میں عشائیہ دیا گیا

 

 

تاریخ اشاعت : 2017-07-08 00:00:00
مقبول ترین خبریں
امیگریشن خبریں
SiteLock