پاکستانی امریکن کمیونٹی کی معروف سماجی شخصیت راجہ آزاد گل کا نیویارک پولیس ڈیپارٹمنٹ کے اعلیٰ حکام کے اعزاز میں استقبالیہ،عید سے قبل افطار ڈنر استقبالیہ میں کمیونٹی کی اہم شخصیات بھی شریک

 

نیویارک (خصوصی رپورٹ) پاکستانی امریکن کمیونٹی بروکلین (نیویارک) کی معروف سماجی شخصیت راجہ آزاد گل کی جانب سے نیویارک پولیس ڈیپارٹمنٹ کے اعلیٰ حکام سمیت کمیونٹی کی مقامی اہم شخصیات و ارکان کے اعزاز میں اس سال بھی حسب روایت بڑا استقبالیہ دیا گیا ۔

 

عید الفطر سے قبل افطار ڈنر استقبالیہ میں نیویارک پولیس ڈیپارٹمنٹ کے اعلیٰ حکام اسسٹنٹ پولیس چیف چارلس شول ، انسپکٹر جان شیل،نسپکٹرسٹیون گریفتھ (ون پولیس پلازہ ) ،انسپکٹر جارج میسٹرو کاسٹس (ون پولیس پلازہ ) ، ڈپٹی انسپکٹر جیمز پلمبو (کمانڈنگ آفیسر 70)،ڈپٹی انسپکٹر کینی کوئیک (ون پولیس پلازہ ) ،کیپٹن وحید اختر ،کیپٹن انتھونی سینتھن ورینو(کمانڈنگ آفیسر 62)،کیپٹن ڈیوڈ وال(کمانڈنگ آفیسر 66)، لیفٹنٹ عدیل رانا ،لیفٹنٹ مصباح نور، لیفٹنٹ سلمان ، لیفٹنٹ مائیک برگیمبو ،کمیونٹی افئیرز آفیسرز 63پریسنٹ ٹام،سارجنٹ زاہدمحمود،ڈیٹیکٹو روحیل خالد،سارجنٹ ضیغم عباس،لیفٹنٹ آئرا جبلانسی ،لیفٹنٹ اویس خانزادہ (برونکس ) ،لوئی لو (پریذیڈنٹ چائنیز کمیونٹی) سمیت مقامی پریسنٹ کے آگژلری اور کمیونٹی افئیرز کے سٹاف ممبر کے علاوہ مائیمونڈیز ہسپتال کے سینئر وائس پریذیڈنٹ ڈگلس جیبلون نے خصوصی شرکت کی ۔


اس موقع پر راجہ آزاد گل پولیس حکام و شرکاءکو استقبالیہ میں آمد پر خوش آمدید کہا ۔ تقریب میں میاں فیاض، رانا سعید، عزیز بٹ ، راجہ ساجد، راجہ بنارس، راجہ بشارت،میاں خالد سعید ، صوفی مشتاق، شیر خان ، رانا ذوالفقار ، جاوید خان ، چوہدری پرویز اختر، چوہدری ندیم بوبی ،چوہدری عامر اقبال ، حامد ،مرزا خورشید سمیت دیگر نے بھی شرکت کی ۔


استقبالیہ میں نیویارک پولیس ڈیپارٹمنٹ بروکلین ساوتھ کے پولیس چیف سٹیون پاور اور مائیمونڈیز ہسپتال کے سینئر وائس پریذیڈنٹ ڈگلس جیبلون کو ان کی خدمات کے اعتراف کے طور پر خصوصی ایوارڈز پیش کئے گئے ۔ چیف سٹیون پاور کا ایوارڈ ان کی ایماءپر اسسٹنٹ چیف چارلس شول نے وصول کیا ۔ ایوارڈ وصول کرنےوالوں نے راجہ آزاد گل سمیت پاکستانی امریکن کمیونٹی کا شکرئیہ ادا کیا اور ان کی خدمات کو بھی شاندار الفاظ میں خراج تحسین پیش کیا ۔ پولیس حکام کی جانب سے پاکستانی امریکن کمیونٹی کو ماہ رمضان کے ساتھ ساتھ عید کی مبارکباد دی گئی جبکہ پاکستانی کمیونٹی کی جانب سے ماہ رمضان میں پولیس کی کمیونٹی کےلئے خصوصی انتظامات پر ان پولیس ڈیپارٹمنٹ کا شکرئیہ ادا کیا گیا ۔


تقریب میں نظامت کے فرائض لیفٹنٹ عدیل رانا اور فارس فیاض نے ادا کئے ۔ لیفٹنٹ عدیل رانا نے ماہ رمضان اور روزوں کے حوالے سے اسلامی تعلیمات کے مختلف پہلووں پر روشنی ڈالی ۔

تاریخ اشاعت : 2017-06-27 00:00:00
مقبول ترین خبریں
امیگریشن خبریں

SiteLock