نواز شریف کیساتھ تھے، نواز شریف کیساتھ ہیں اور نواز شریف کیساتھ رہیں گے،پاکستان مسلم لیگ (ن) یوتھ ونگ امریکہ کے راجہ رزاق، جنید تنولی اور طاہر سندھو کی ساتھیوں سمیت ہنگامی پریس کانفرنس

 

نیویارک (خصوصی رپورٹ)پاکستان مسلملیگ (ن) یو تھ ونگ امریکہ کے مقامی ساتھیوں و ارکان نے وزیر اعظم میاں نواز شریف کے ساتھ اپنی مکمل یکجہتی کا اظہار کرتے ہوئے کہا ہے کہ ہم کل بھی نواز شریف کیساتھ تھے، آج بھی نواز شریف کے ساتھ ہیں اور آنیوالے کل میں بھی میاںنواز شریف کے شانہ بشانہ کھڑے ہونگے ۔ یوتھ ونگ کے مقامی قائدین راجہ رزاق، جنید تنولی ، طاہر سندھو، حیدر جعفری ، رفیق انجم ، شیر علی ، صائمہ، فاطمہ نے مشترکہ پریس کانفرنس سے خطاب کرتے ہوئے کہا کہ ہم جے آئی ٹی کے ردی فیصلے کو رد کرتے ہیں ۔ یہ فیصلہ وزیر اعظم میاں نواز شریف کے خلاف نہیں بلکہ پاکستان کے خلاف ہے اور ایک دھرنا سازش کا حصہ ہے ۔

 

انہوں نے کہا کہ عمران خان اینڈ کمپنی روز اول سے پاکستان کی ترقی کے خلاف کام کررہے ہیں ۔ ان کو ایجنڈا دیا گیا ہے کہ پاکستان کی ترقی کا راستہ روکنا ہے تو نواز شریف کی ترقی کا راستہ روکا دائے۔ چار سالہ تاریخ گواہ ہے کہ عمران نے ہر موقع پر ملک و قوم کی ترقی کا راستہ روکا ۔ ان کو ہم کسی صورت میں کامیاب نہیں ہونے دینگے ۔


 راجہ رزاق، جنید تنولی ، طاہر سندھو نے کہا کہ عمران خان اخلاقی اور سیاسی طور پر خود داغدار ہے ، وہ دوسروں پر انگلی اٹھانے سے پہلے اپنی طرف دیکھے ۔ انہوں نے کہا کہ انشاءاللہ گذشتہ الیکشن کی طرح اور پھر ضمنی الیکشن کی طرح اب بھی عمران خانناکام ہوگا۔ وہ ایک کٹھ پتلی ہے ۔ اس کا تماشہ زیادہدیر نہیں چلے گا۔

حیدر جعفری ، رفیق انجم ، شیر علی ، صائمہ، فاطمہ ،فوزیہ چغتائی نے کہا کہ اوورسیز پاکستانیوں کی اکثریت خوش ہے کہ میاں نواز شریف کے دور میں پاکستان میں امن بحال ہوا، توانائی کے بحران پر قابو پانے میں اہم پیش رفت ہوئی اور ملک کی داخلی و خارجی طور پر ساکھ بحال ہوئی ۔ انشاءاللہ ترقی کے اس پہیہ کو اب کوئی الٹا نہیں گما سکے گا۔

آخر میں تمام لیگی ساتھیوں نے ملکر نعرہ بازی کی اور کہا کہ روک سکو تو روک لو ، نواز شریف کو روک لو، پاکستان کی ترقی کو روک لو۔ انہوں نے کہا کہ جس دور میں جینا مشکل ہو، اس دور میں جینا لازم ہے ۔

تاریخ اشاعت : 2017-07-12 00:00:00
مقبول ترین خبریں
امیگریشن خبریں
SiteLock